बाजुराको बुढीनन्दा–५ मा पुनः मतदान सम्पन्न, ५९६ जनाले मतदान गरे

बाजुरा(जस)–बुढीनन्दा नगरपालिका–५ मा शनिबार भएको पुनः मतदानमा ५९६ मत खसेका छन् । कुल ९९९ मतदाता रहेकोमा ५९६ जनाले मतदान गरेका छन् । मंसिर ४ गते दुई पक्षबीच सुरुमै विवाद भएपछि चुनाव स्थगित गरिएको थियो ।
निर्वाचन आयोगले चुनाव स्थगित गरी मंसिर १० गते (आज) लागि पुनः मतदानको मिति तोकेको थियो । ९९९ जना मतदाता रहेको मतदान केन्द्रमा ५९६ जनाले मतदान गरेको जिल्ला समन्वय अधिकारी समेत रहेका मतदान अधिकृत किरन विकले जानकारी दिए ।
मंसिर ४ गते सुरुमै विवाद भए पनि पुन मतदान शान्तपूर्वक सम्पन्न भएको छ । बिहानदेखि नै मतदाता लाइनमा बसेर शान्तिपूर्ण वातावरणमा मतदान गरेका हुन् । कडा सुरक्षाका बीच गरिएको पुनः मतदान गरिएको केन्द्रको मतपेटीका रातिसम्म मार्तडी पु¥याउने निर्वाचन कार्यालयले तयारी गरेको छ ।
बुथ कब्जा गरिएको आरोपसहित जिल्लामा नेपाली काँग्रेस र नेकपा एमालेले उजुरी गरेपछि बाजुराको मतगणना अन्योल बनेको छ । पुनः मतदान तोकिएको वडाको मतदान सकिए पनि मतगणना कहिले हुने यकिन नभएको निर्वाचन अधिकारी नवराज अवस्थीले बताएका छन् । दलहरुले दिएको उजुरीमाथि छानवीन भइरहेकाले अहिले नै भन्न नसकिने अधिकारी अवस्थीको भनाइ छ ।