काठमाडौं, ६ असार । इंग्ल्याण्डमा जारी १२ औं संस्करणको आईसीसी एकदिवसीय विश्वकप क्रिकेटमा आज शुक्रबार एक खेल हुँदैछ ।
शुक्रबार हुने एक मात्र खेलमा इंग्ल्याण्ड र श्रीलंकाबीच प्रतिस्पर्धा हुनेछ ।
इंग्ल्याण्डको लिड्समा यी दुई टोलीबीचको खेल नेपाली समय अनुसार दिउँसो ३ः१५ मा सुरु हुनेछ ।
दुवै टोली जित निकाल्ने लक्ष्यसहित मैदान उत्रनेछन् ।
इंग्ल्याण्ड पाँचौ जितको खोजीमा हुनेछ भने श्रीलंका दोस्रो जितको लक्ष्यसहित मैदानमा उत्रनेछ ।
इंग्ल्याण्ड श्रीलंकालाई पराजित गर्दै तालिकाको शीर्ष स्थानमा उक्लन चाहन्छ भने श्रीलंका पनि इंग्ल्याण्डलाई पराजित गर्दै आफुलाई उपाधि दाबेदारको रुपमा उभ्याउन चाहन्छ ।
© 2026 All right reserved | Site By : sobij
