काठमाडौँ । क्यारेबियन प्रिमियर लिग (सिपिएल) मा जमैका तल्लावह लगातार दोस्रो खेलमा पराजित भएको छ ।
गएराती सम्पन्न खेलमा गुयाना अमेजन वारियर्ससँग जमैका १४ रनले पराजित भएको हो ।
गुयानाले दिएको केवल ११९ रनको लक्ष्य पछायेको जमैका २० ओभरमा ७ विकेट गुमाउदै १०४ रन मात बनाएपछि खेल १४ रनले हारेको थ्यियो ।
सिपिएल क्रिकेटको इतिहासमा यो डिफेन्ड गरिएको अहिलेसम्मको कम टोटल हो ।
जमैकाका लागि आन्द्रे रसेलले सर्बाधिक ५२ रन अविजित बनाए भने रोभमान पावेलले २३ र असिफ अलीले १४ रन बनाए ।
जमैकाका तीन खेलाडी शुन्यमा आउट भएका थिए ।
जमैकालाई रोक्नेक्रममा गुयानाका बलर क्रिस ग्रीनले २ विकेट लिए भने इमरान ताहिर, नवीन उल हक, किमो पाउल, असमिद नेड र चन्द्रपाउल हेमराजले एक विकेट लिएका थिए ।
यस अघि टस हारेर पहिला ब्याटिंग गरेको गुयानाले १९.१ ओभरमा अल आउट हुदै केवल ११८ रन बनाएको थियो ।
गुयानाका लागि ब्रान्डन किंगले सर्बाधिक २९, चन्द्रपाउल हेमराज र रोज टेलरले २१-२१ तथा नवीन उल हकले १४ रन बनाएका थिए ।
गुयानाविरूद्ध नेपाल स्पिनर सन्दीप लामिछानेले उत्कृष्ट बलिङ गरेका थिए ।
सन्दीपले ४ ओभरमा केवल ८ रन दिएर २ विकेट लिएका थिए । सन्दीपले गुयानाका कप्तान क्रिस ग्रीन र शेरफन रुदरफोर्डलाई आउट गरेका थिए । सन्दीपले आफ्नो स्पेलमा २४ बल मध्ये १८ बल डट फालेका थिए ।
सन्दीपले यस अघिका दुवै खेलमा एक एक विकेट लिएसँगै अहिलेसम्म तीन खेलमा ४ विकेट लिएका छन् ।
त्यस्तौ जमैकाका मुजीब उर रहमानले ३ विकेट लिए भने कार्लोस ब्रेथवेटले ३ विकेट लिएका थिए ।
योसँगै जमैका अहिलेसम्म खेलेका तीन खेलमा २ खेल हारेको छ ।
© 2026 All right reserved | Site By : sobij
