बाढीले शाखा क्षतिग्रस्त भएपछि नबिल बैंकको टिमुरे शाखा धुन्चेमा समायोजन

काठमाडौं(जस)–बिल बैंकले रसुवाको बाढीग्रस्त क्षेत्र टिमुरेमा रहेको आफ्नो शाखा कार्यालय धुन्चेमा समायोजन गरेको छ । गत भदौ १० गते भोटेकोशी नदीमा आएको विनाशकारी बाढीका कारण टिमुरेमा रहेको नबिल बैंकको शाखा कार्यालय पूर्ण रूपमा क्षतिग्रस्त भएपछि बैंकले शाखा समायोजन गरी धुन्चेबाट बैंकिङ सेवा सञ्चालन गर्न लागेको हो ।
बैंकले असोज १ गतेदेखि टिमुरे शाखाबाट प्रदान हुँदै आएका बैंकिङ सेवाहरू धुन्चे शाखाबाट उपलब्ध हुने जनाएको छ । यससँगै टिमुरेमा रहेका नबिल बैंकका ग्राहकहरूले अब बैंकिङ सेवा लिन धुन्चे पुग्नुपर्ने भएको छ । बैंकले आफ्ना ग्राहकहरूलाई असोज १ गतेदेखि धुन्चे शाखाबाट बैंकिङ सेवा लिन आग्रह गरेको छ ।