काठमाडौं(जस)–नेपाली राष्ट्रिय क्रिकेट टिमले आउदो भदौ महिनामा इङल्याण्डको प्रतिष्ठित लर्डस क्रिकेट मैदानमा फेरी एक पटक खेल्ने भएको छ । क्रिकेटको घर मानिने लर्ड्स मैदानमा नेपालले २४ अगस्ट, २०२० अर्थात २०७७ को भदौ ८ गते मेरिलेबोन क्रिकेट क्लब (एमसीसी)सँग क्रिकेट खेल्ने भएको हो । लर्डसले हालै सार्वजनिक गरेको सन् २०२० को खेल तालिकामा नेपालले फेरी एक पटक लर्ड्स मैदानमा खेल्ने तालिका सार्वजनिक गरेको छ ।
नेपालले यसअघि सन् २०१६ मा पनि लर्ड्समा एमसीसीसँग क्रिकेट खेलेको थियो भने गत बर्ष नेदरल्याण्डससँग लर्ड्स मैदानमा भएको कहल बर्षाले प्रभावित भएको थियो । एमसीसीले केहि साता अघि मात्र नेपालको भ्रमण सकेर फर्किएको छ । एमसीसीले नेपालमा रहदा अन्डर १९, राष्ट्रिय टिम र मिक्स टिमविरुद्ध खेलेको थियो भने पोखरा पुगेर समेत खेलेको थियो ।
© 2026 All right reserved | Site By : sobij
