मिलन भट्टराई आठौं मिस्टर टुरिज्म वल्र्ड प्रतियोगितामा नेपाललाई प्रतिनिधित्व गर्न तयारीमा

काठमाडौं(जस)–मिस्टर टुरिज्म नेपाल २०२४ का विजेता मिलन भट्टराई आगामी फेब्रुअरी १२, २०२५ मा भियतनाममा आयोजना हुने ८औं मिस्टर टुरिज्म वल्र्ड प्रतियोगितामा नेपाललाई प्रतिनिधित्व गर्न तयारीमा छन्। गोरखाको भिमसेन थापा गाउंपालिका २ बाट आएका मिलनले फिटनेस र मोडलिङ क्षेत्रमा उल्लेखनीय सफलता हासिल गर्दै राष्ट्रिय पहिचान बनाउन सफल भएका छन् ।
यो प्रतियोगिताले विश्वभरका पर्यटन प्रवद्र्धकहरूलाई एकसाथ ल्याउनेछ, जहाँ मिलनको सहभागिताले नेपालको समृद्ध संस्कृति र प्राकृतिक सौन्दर्यलाई अन्तर्राष्ट्रिय स्तरमा उजागर गर्ने अपेक्षा गरिएको छ । प्रतिष्ठित प्रतियोगिताको तयारी गर्दै गर्दा, नेपालीहरू उनको समर्थनमा उभिएका छन् र ऐतिहासिक जितको आशा राख्दैछन् । नेपाललाई गौरवान्वित बनाउने मिलन भट्टराईको यात्राका लागि विभिन्न पक्षले शुभकामना प्रदान गरेका छन् ।