सांग्रिला डेभलपमेन्ट बैंकको सीईओमा रविन सिजापति नियुक्त

काठमाडौं(जस)–सांग्रिला डेभलपमेन्ट बैंकको प्रमुख कार्यकारी अधिकृत (सीईओ) मा रविन सिजापति नियुक्त भएका छन् । बैंकले सिजापतिलाई चार वर्षे कार्यकालका लागि सीईओमा नियुक्त गरेको हो । बैंकिङ तथा वित्तीय क्षेत्रमा लामो अनुभव हासिल गरेका सिजापति यसअघि नेपाल इन्भेष्टमेन्ट मेगा बैंकमा कार्यरत थिए । उनी चार्टर्ड एकाउन्टेन्ट (सीए) समेत हुन् ।
सिजापतिको नियुक्ति शुक्रबारदेखि नै लागू भएको बैंकले जनाएको छ । उनले शुक्रबारै बैंकको सीईओका रूपमा पदभार ग्रहण गरेका छन्। बैंकिङ तथा वित्तीय क्षेत्रमा लामो अनुभव हासिल गरेका सिजापति सुयोग श्रेष्ठको कार्यकाल सकिएपछि सांग्रिला डेभलपमेन्ट बैंकको नेतृत्वमा आएका हुन् ।