स्वादिष्ट चियाका लागि सुजल डेरीको ’डिलाइट डेरी ह्वाइटनर’

काठमाडौँ(जस)–सुजल डेरीले स्वादिष्ट चियाका लागि आफ्नो उत्पादन ’डिलाइट डेरी ह्वाइटनर’ बजारमा सर्वत्र बजारमा उपलब्ध रहेको जनाएको छ । ‘डिलाइट डेरी ह्वाइटनर’ एक उत्पादन मात्र नभई, नेपाली जीवनशैलीकै उत्सव भएको कम्पनीको भनाइ छ । गाई र भैंसीको शुद्ध दूधबाट अत्याधुनिक स्प्रे ड्राइङ प्रविधिको प्रयोग गरी बनाइएको ’डिलाइट डेरी ह्वाइटनर’ले चियामा क्रिमीपन थप्दै साधारण चियालाई पनि सन्तुष्टिको क्षणमा रूपान्तरण गर्ने कम्पनीको दाबी छ ।
कम्पनीका अनुसार जम्मा तीन चम्चा ’डिलाइट डेरी ह्वाइटनर’ १८० मिलि मन तातो पानीमा घोलेर चिया वा कफीलाई अझ स्वादिलो बनाउन सकिनेछ । यो घर नजिकैको किराना पसलदेखि भाटभटेनी, सेलवेज, सेल्सबेरी, र बिगमार्टजस्ता ठूला स्टोरहरूमा, सजिलै पाउन सकिने छ भने दराज, ठूलो डटकम र स्मार्टडोको जस्ता ई–कमर्स साइटहरूमा पनि उपलब्ध रहेको कम्पनीले जनाएको छ । ४०० ग्रामको ४७० र ८०० ग्रामको ९०० रुपैयाँ उपभोक्ता मूल्य तोकिएको यो उत्पादन दुई सुविधाजनक प्याकमा उपलब्ध रहेको जनाइएको छ।