लोकदर्शन बचत तथा ऋण सहकारीको अध्यक्षमा पुनः कटुवाल

काठमाडौं(जस)–लोकदर्शन बचत तथा ऋण सहकारी संस्था लिमिटेडको १४औं साधारण सभाले पुनः प्रेमबहादुर कटुवालको अध्यक्षतामा नयाँ सञ्चालक समिति चयन गरेको छ । वैदेशिक रोजगार व्यवसायीहरुद्वारा प्रवद्र्धित संस्थाको शुक्रबार सम्पन्न १४औं साधारण सभाले आगामी ४ वर्षका लागि ब्लु स्काइ इन्टरनेशनल प्रालिका सञ्चालकसमेत रहेका वरिष्ठ व्यवसायी कटुवाललाई अध्यक्षमा निर्विरोध निर्वाचित गरेको हो ।
सञ्चालक समितिको उपाध्यक्षमा व्यवसायी अब्दुल सतार, सचिवमा अधिवक्ता देवराज कटुवाल, कोषाध्यक्षमा व्यवसायी रामप्रसाद भान्तना तथा सञ्चालक समितिको सदस्यहरुमा व्यवसायीहरु विष्णु कुमारी गुरुङ, मदन कुमार महत र टिका शिवाकोटी चयन भएका छन् । साधारण सभाले वरिष्ठ व्यवसायीहरु दिल प्रसाद पोखरेल, भरतसिंह थापा र उत्तरमान लामालाई सल्लाहकारमा चयन गरेको छ ।
कार्यसमिति चयनका लागि दिल प्रसाद पोखरेलको संयोजकत्वमा निर्वाचन समिति गठन गरिएको थियो । सो समितिको सदस्यहरुमा फहिम शाह र कौशल्या श्रेष्ठ रहेका थिए । साधारण सभाले अध्यक्ष कटुवालले पेश गरेको आर्थिक वर्ष २०७९÷०८०को वार्षिक प्रगति प्रतिवेदन, सचिव देवराज कटुवालले प्रस्तुत गरेको चालु आर्थिक वर्ष २०८०÷०८१ को नीति तथा कार्यक्रम तथा कोषाध्यक्ष राम प्रसाद भन्तनाले प्रस्तुत गरेको आर्थिक वर्ष २०७९÷०८० को आर्थिक प्रतिवेदन पारित गरेको छ । संस्थाका सचिव देवराज कटुवालद्वारा सञ्चालित कार्यक्रममा नेपाल वैदेशिक रोजगार व्यवसायी संघका पूर्वअध्यक्ष तारा प्रसाद भट्टराई, भरत सिंह थापा, वरिष्ठ व्यवसासी मदन खड्कालगायतले लोकदर्शन सहकारीलाई शुभकामनाका साथ विभिन्न सुझाव दिएका थिए ।