नेपाली महिला भलिबल टोली भारतसँग सोझो सेटमा पराजित

काठमाडौं(जस)–१३ औँ दक्षिण एसियाली खेलकुद (साग) अन्तर्गत नेपाली महिला भलिबल टोली आफ्नो दोस्रो खेलमा भारतसँग पराजित भएको छ । आफ्नो पहिलो खेलमा बुधबार बंगलादेशलाई पराजित गरेको महिला भलिबल टोली दोस्रो खेलमा बिहीबार भारतसँग पराजित भएको हो । नेपाल भारतसँग २६–२४, २५–१२ र २५–१६ को सोझो सेटमा पराजित भएको हो ।
‘वेस्ट अफ फाइभ’का आधारमा सन्चालन भएको खेलमा नेपाल सोझो सेटमा पराजित भएको हो । प्रतियोगिता औपचारिक सुरु हुन चार दिन अघि नै भलिबलका खेलहरु बुधबारदेखि सुरु भएका हुन् । भलिबलको महिला र पुरुष दुवैमा समान ६ देश सहभागी छन् । भलिबलका खेलहरु त्रिपुरेश्वरस्थित कभर्डहलमा सन्चालन हुँदैछन्।