एनआरएनए अन्तराष्ट्रिय समन्वय परिषदको नवौं बिश्व सम्मेलनको नयाँ मिति तय, अब अक्टोबर १५ देखि अक्टोबर १८ सम्मेलन हुने

काठमाडौं(जस)– गैरआवासीय नेपाली संघ (एनआरएनए) अन्तराष्ट्रिय समन्वय परिषदको नवौं बिश्व सम्मेलन अक्टोबर १५ देखि अक्टोबर १८ सम्म काठमाडौँको हायात होटलमा आयोजना हुने भएको छ । एनआरएनएले बिहिबार एक विज्ञप्ति प्रकाशित गर्दै नवौं बिश्व सम्मेलनको मिति परिबर्तन भएकोले सम्पूर्ण गैरआवासीय नेपाली साथीहरु लाई आआफ्नो तालिका मिलाउन अनुरोध गरेको छ । यसअघि सम्मेलन आगामी अक्टोबर १३ देखि १६ सम्म गरिने तय भएको थियो । सम्मेलनले नयाँ सन् २०१९–२०२१ का लागि नयाँ कार्यसमिति चयन गर्ने भएकाले यो सम्मेलनलाई विशेष महत्वकासाथ हेरिएको छ । नयाँ नेतृत्वका लागि वर्तमान कार्यसमितिका उपाध्यक्ष कुमार पन्त र कुल आचार्यले उम्मेदवारी घोषणा गरिसकेका छन् ।