हङकङ सरकारले १० हजार हङकङ डलर बाँड्ने

हङकङ सरकारले १८ वर्ष पुगेका हङकङका स्थाई बासिन्दा (परमानेन्ट रेसिडेन्ट) लाई १० हजार हङकङ डलर राहत स्वरुप राहतकोषबाट प्रदान गर्ने भएको छ । हाल फैलिएको कोरोना भाइरस र बिगत केही महिना अगाडिबाट भएका सरकार विरोधी आन्दोलनका कारण बिग्रिएको हङकङको आर्थिक अवस्थामा राहत स्वरुप उक्त सहयोग प्रदान गर्ने निर्णय सम्बन्धमा अर्थ सचिव पौल चानले बजेट २०२०-२०२१ को बजेट भाषण प्रस्तुत गर्ने क्रममा घोषणा गरेका छन् । यस राहत प्याकेजका लागि १ सय २० अर्ब हङकङ डलर खर्च हुनेछ । राहत प्याकेज अन्तर्गत १० हजार हङकङ डलर राहत सहयोग बाहेक अन्य तल दिईएको छ,

*साना व्यापार-व्यवसायीलाई सहुलियत ऋणको
व्यवस्था पनि गरिएको छ ।

*तलब तथा सम्पत्ति करमा र सरकारी आवास भाडामा पनि
बिशेष छुटको व्यवस्था गरिएको छ ।

*कम आय भएका परिवारका लागि दिइने सामाजिक भत्ता दोब्बर गरिएको छ ।

*विश्वविद्यालयका बिद्यार्थीहरुका लागि परीक्षा शुल्क पनि
मिनाहा गरिने भएको छ ।