पिपिएलमा डिफेन्डिङ च्याम्पियन पोखरा पल्टनको विजयी शुरुवात

काठमाडौं (जस)–आइतबारदेखि पोखरामा शुरु भएको नमस्ते पोखरा प्रिमियर लिग (पिपिएल) मा डिफेन्डिङ च्याम्पियन पोखरा पल्टनले विजयी शुरुवात गरेको छ । काठमाडौँ गोल्डेन्स वारियर्सले दिएको ११६ रनको लक्ष्य पछाएको पोखरा पल्टनले १४.१ ओभरमा एक विकेट गुमाउदै लक्ष्य पुरा गरेको छ । पोखराको जितमा युवा खेलाडी कुशल भुर्तेलले अविजित ६५ रनको उत्कृष्ट पारी खेलेका थिए । कुशलले ४३ बलमा ६५ रन बनाएका थिए । उनले ५ छक्का र ४ चौका प्रहार गरेका थिए । भुर्तेलले पिपिएलको यस सिजनको पहिलो खेलमै पहिलो अर्धशतक प्रहार गरेका छन् । त्यस्तै आसिफ सेखले १४ रन बनाएर आउट भएका थिए । त्यस्तै रविइन्दर सिंहले अविजित ३८ रन बनाएका थिए ।
पोखराको एक विकेट काठमाडौँका बलर सुशान भारीले लिएका थिए । यसअघि टस हारेर पहिला ब्याटिंग गरेको काठमाडौँले २० ओभरमा ८ विकेट गुमाउदै ११५ रन बनाएको थियो । काठमाडौँका लागि सुबोध भाटीले सर्वा्धिक ४५ रन बनाएका थिए । भाटीले २९ बलमा ४ चौका र ४ छक्का प्रहार गरेका थिए । त्यस्तै गौरव तोमारले ७ बलमा १३ रन बनाएर आउट भएका थिए भने सुशान भारीले ११ रन बनाएका थिए ।
यी बाहेक अन्य खेलाडीले दोहोरो अंकमा रन बनाउन असफल भएका थिए ।जयकिशन कोल्सवालाले ९, सुबास खकुरेलले ६, कप्तान ज्ञानेन्द्र मल्लले १, पवन सराफले ६, पृथु बास्कोटाले ७, बसन्त रेग्मीले ८ र अमृत भट्टराईले १ रन बनाएका थिए । पोखरा पल्टनका बलर रसिद खान, ललित राजबंशी र कुशल मल्लले २(२ विकेट लिएका थिए । त्यस्तै प्रथामेस डाके र सर्व्जित लद्दाले एक एक विकेट लिएका थिए । अब प्रतियोगिताको दोस्रो दिन सोमबारको पहिलो खेल बिराटनगर टाइटान्स र धनगढी ब्लुजबीच हुने छ बहने दोस्रो खेल बुटवल ब्लाष्टर्स र काठमाडौँ गोल्डेन्सबीच हुदै छ ।