आइतबार, साउन ८ २०७९
काठमाडौं । ललितपुरको बखुण्डोलस्थित प्याराडाईज इन्टरनेशनल प्रा.लि. गत आर्थिक वर्ष २०७८/०७९ मा धेरै कामदार वैदेशिक रोजगारीमा पठाउने मेनपावर कम्पनीको पहिलो स्थानमा पर्न सफल भएको छ । वैदेशिक रोजगार विभागले तयार पारेको गत वर्ष वैदेशिक रोजगारमा पठाउन अन्तिम श्रम स्वीकृति लिएका कम्पनी हरुको सूचीमा ६ हजार ५५ जना कामदार उडाउदै प्याराडाईज इन्टरनेशनलले प्रथम स्थान ओगटन सफल भएको हो ।
गत आर्थिक बर्षमा प्याराडाईज इन्टरनेशनल कम्पनीले ४ हजार ९ सय २५ जना पुरूष र १ हजार १ सय ३० महिलालाई वैदेशिक रोजगारमा पठाएको थियो । गत आर्थिक बर्षमा ५ हजार ३ सय ९ जना पुरूष र ४ सय १५ महिला गरी ५ हजार ७ सय २४ जनालाई बैदेशिक रोजगारमा पठाउदै एसओएस मेनपावर सर्भिस प्रा.लि दोस्रो, ४ हजार १ सय ३१ पुरूष र ५७ महिलासहित ४ हजार १ सय ८८ जनालाई बैदेशिक रोजगारमा पठाउदै अक्सफोर्ड इन्टरनेशनल प्रा.लि. तेस्रो स्थानमा परेको छ ।
यसैगरि ३ हजार ५ सय ५४ पुरूष र १ सय १८ महिला गरी ३ हजार ६ सय ७२ जनालाई बैदेशिक रोजगारमा पठाउदै लिंक इन्टरनेशनल प्लेसमेन्ट प्रा.लि. चौंथो स्थानमा र २ हजार ७ सय ६३ जना कामदार पठाएर फजल मेनपावर प्रा.लि. पाँचौ स्थानमा , २ हजार ७ सय ४२ जनालाई बैदेशिक रोजगारमा पठाउदै साउण्ड लाइन्स रिक्रुटमेन्ट प्रा.लि. छैटौ स्थानमा पर्न सफल भएको छ भने मोभिरा रिक्रुटमेन्ट कन्सल्ट्यान्सी सर्भिस प्रा.लि.ले २ हजार ५ सय ९० जनालाई बैदेशिक रोजगारमा पठाउदै सातौ स्थानमा , लक्की एचआर सोलुसन प्रा.लि.ले २ हजार ४ सय ५९ जनालाई बैदेशिक रोजगारमा पठाउदै आठौ स्थानमा, इन्टरनेशनल मेनपावर रिक्रुटमेन्ट प्रा.लि.ले २ हजार ३ सय ३३ जनालाई बैदेशिक रोजगारमा पठाउदै नवौ स्थानमा र भिजन एण्ड भ्यालुले २ हजार ३ सय १ जना कामदारलाई बैदेशिक रोजगारमा पठाउदै आफुलाई दशौ स्थानमा पार्न सफल भएको छ ।
प्रथम स्थान ओगटन सफल प्याराडाईज इन्टरनेशनल कम्पनीका अध्यक्ष नवराज केसिले सबैको सहयोगले यो सम्भव भएको जनाउदै सबै सहयोगी हात र कर्मचारीहरुलाई धन्यवाद ब्यक्त गरे । बैदेशिक रोजगार बिभागले प्रत्यक बर्षको अन्तिममा मेनपावरहरुको सुचि प्रकाशन गर्ने गरेको छ ।
८७२ मेनपावरमध्ये कस्ले कती पठाए सुचि हेर्न तलको लिंक क्लिक गर्नुहोस
https://onedrive.live.com/view.aspx?resid=CA7F4B046BE5BCD8!114&ithint=file%2cxlsx&authkey=!ALagWeviEVM3n5g
© 2026 All right reserved | Site By : sobij
