साउदी अरबमा कोरोनाको चपेटामा परी १०-अप्रिल सम्म संक्रमित संख्या ३६५१ पुगेको छ जसमा ४७ जनाले ज्यान गुमाइसकेका छन भने ५ जना नेपाली समेत कोरोनाको चपेटामा परे लगत्तै गैर आवासिय नेपाली संघ साउदी अरबले उक्त कार्यदललाई साउदी अरबका बिभिन्न शहरमा कुनै पनि नेपाली श्रमिकलाई आइपर्ने बिपत्ती उपर सहयोग गर्नको निम्ती संघको आपतकालिन कोष बाट न्युनतम ५ लाख बराबरको कोष निकासा गर्ने निर्णय गरेको हो। राहतका लागि थप रकम आवश्यक परेको खन्डमा पुन: अर्को बैठक द्वारा आवश्यक कदम चाल्ने जस्तै मध्यपुर्बका सम्पूर्ण एनसिसी र अन्तरराष्ट्रिय समन्वय समिती संग समेटा परामर्श लिने निर्णय गरेको छ।

कार्यदलले कोरोना प्रभावित नेपालीहरुको तथ्यांक संकलन गर्न बिशेष फारमको तयारी गरी कोरोना संक्रमित तथा बन्दको कारण अफटेरोमा परेका जस्तै कम्पनी बन्द भएको, कम्पनीले तलव सेवासुबिधा नदिएको, खानेपानीको अभाव भएको र नेपाली दूतावास र महावाणिज्यदूतावासको समेत रुजु वा अनुरोध/अनुमोदन भएको आदिको पहिचान गरी आवश्यक सहयोग निर्णय गरेको छ। कार्यदलले बिशेष कार्यदिशा निर्माण गरी यथा शिघ्र साउदीमा रहेका नेपाली राजदुताबास र महावाणिज्य दुतावास संग समन्वय र परामर्श लिएर राहत तथा उध्दार अभियानको शुरुवात गर्नेभएकोछ।

यो बिषम परिस्थितिमा कुनैपनी नेपालीलाई अचानक ज्वरो आउने, रुघाखोकी, टाउको दुख्ने, झाडा बान्ता हुने जस्ता लक्षण देखिएमा तुरुन्त साउदी सरकारले उपलब्ध गराएको एम्बुलेन्स सेवाको ९३७ नम्बर मा संपर्क गर्नुको साथै तथा गैर आवासिय नेपाली संघ साउदी अरबका प्रतिनिधिलाई संपर्कमा आउनको लागि तपसिलका नम्बरहरुमा संपर्क गर्न अनुरोध गर्दछौं।

नेपाली राजादुताबास रियाद:(0114611108) र हटलाइन (0559389600)

नेपाली महाबाणिज्य दुताबास जेध्दा:(012-6226665) र (012-6226683)

NRNA NCC साउदी अरबका प्रतिनिधिहरु:( कोरोना भाईरस उध्दार समिती साउदि अरब )

गैर आवासिय नेपाली संघ

राष्ट्रिय समन्वय परिषद

साउदी अरब