वैदेशिक रोजगारीमा अनलाइन प्रणालीले झनै समस्या, बुधबारदेखि बिग्रेको सर्भर अझै बनेन्

काठमाडौं(जस)– बुधबारदेखि बिग्रेको वैदेशिक रोजगार सूचना व्यवस्थापन प्रणाली (एफइआइएमएस)को समस्या अझै समाधान नहुँदा वैदेशिक रोजगारीमा जाने श्रमिकहरु मारमा परेका छन् । वैदेशिक रोजगार कार्यालयको ‘सर्भर’मा समस्या आएपछि अनलाइनमार्फत् हुने सबै काममा समस्या आएको छ । वैदेशिक रोजगारीमा जानका लागि पुनः श्रम स्वीकृति लिने तथा श्रम गर्ने श्रमिकहरु समस्यामा परेको गुनासो गरेका छन् ।
सर्भरमा समस्या आएर ‘सिस्टम’ले काम गर्न छोडेपछि तीन दिनसम्म कार्यालय धाउनुपरेको श्रमिकहरु बताउँछन् । गत बुधबारबाट सिस्टममा आंशिक समस्या आएपनि शुक्रबार भने केहीबेर प्रणालीमा सुधार आएपनि पुनः रोकिएको हो । सिस्टमले काम नगरेपछि वैदेशिक रोजगारीमा जानेहरु अन्योलमा परेका हुन् । वैदेशिक रोजगार विभागले भने हार्डडिस्कमा समस्या आएको कारण सिस्टम नचलेको र आइतबार साँझबाट मात्रै सुचारु हुने जनाएको छ ।