सिद्धार्थ बैंकका ग्राहकलाई बर पीपल रिसोर्टमा छुट

काठमाडौं(जस)–सिद्धार्थ बैंकका ग्राहकले अब पोखरास्थित बर पीपल रिसोर्टमा विभिन्न सेवामा १५ प्रतिशतसम्म छुट पाउने भएका छन् । यसका लागि सिद्धार्थ बैंक र बर पीपल रिसोर्टबीच बैंकका ग्राहकलाई विशेष छुट सुविधा उपलब्ध गराउने सम्बन्धी सम्झौता भएको बैंकले जनाएको छ । सम्झौताअनुसार ग्राहकले लेकसाइड, पोखरास्थित बर पीपल रिसोर्टमा सिद्धार्थ बैंकको कार्ड वा मोबाइल बैंकिङमार्फत भुक्तानी गर्दा १० प्रतिशत छुट प्राप्त गर्नेछन् ।
त्यस्तै, बैंकको नारी डेबिट कार्ड वा प्लाटिनम क्रेडिट कार्ड प्रयोग गरी भुक्तानी गर्ने ग्राहकले १५ प्रतिशतसम्म छुट पाउनेछन् । बैंकका अनुसार यस सहकार्यले ग्राहकलाई आकर्षक छुट सुविधा उपलब्ध गराउनुका साथै नगद कारोबारको सट्टा डिजिटल भुक्तानी प्रणालीको प्रयोगलाई थप प्रोत्साहन गर्ने अपेक्षा गरिएको छ ।