अब मलेसियामा न्यूनतम तलब १२ सय रिङ्गिट, १२ सय भन्दा कमका मागपत्र दूतावासले स्विकृत नगर्ने

काठमाडौं (जस)–मलेसियास्थित नेपाली राजदुताबासले आधारभूत तलब मलेसियन रिङ्गिट १२ सय नराखेका मागपत्र स्विकृत नगर्ने भएको छ । दुतावासले सूचना जारी गर्दै जनवरी २ (पौष १७) गतेदेखि मलेसियन रिङ्गिट १२ सय भन्दा कम आधारभूत तलवका मागपत्र स्किृत नगर्ने जनाएको हो । मलेसिया सरकारले जनवरी १ देखि लागू हुने गरी न्यूनतम तलब बढाउने घोषणा गरेपछि दुतावासले यस्तो सुचना जारी गरेको हो ।
यो सँगै मलेसियामा कामदार माग गर्ने कम्पनीले १२ सय रिङ्गिट भन्दा कम तलव राखेर मागपत्र पेश गरेमा स्विकृत हुनेछैन । नयाँ नियम अनुसार मलेसियामा कामदारको आधारभूत तलब न्यूनतम ३३ हजार भन्दा धेरै हुने छ । यो मंगलबारको मूल्य अनुसार हो । दुतावासको उक्त सूचनाप्रति मलेसियामा रहेका नेपाली नेपाली कामदारले खुसी ब्यक्त गरेका छन् । उनीहरुले नयाँका लागि मात्र नभएर पहिल्यैदेखि मलेसियामा रहेका कामदारका लागि पनि उक्त नियम लागू गर्न दुतावास समक्ष अनुरोध गरेका छन् । मलेसियामा हाल झन्डै चार लाख नेपाली कार्यरत छन् ।