कतारको राष्ट्रिय दिवस कतार एकीकरणको राष्ट्रिय उत्सव हो, कतारका लागि नेपालका राजदुत महामहिम यूसुफ मोहम्मद अहमद अल हैलसँगको अन्तरवार्ता

कतारका लागि नेपाली राजदूत महामहिम यूसुफ बिन मोहम्मद अहमद अल हैलले आफ्नो कार्यकालमा नेपाल र नेपालीको विकासका लागि विभिन्न कार्यहरु गरिहनुभएको छ । नेपाल र कतारको सम्बन्धलाई थप उचाइँमा पुर्याउन प्रतिबद्ध भएर लाग्नुभएका राजुदूत हैल कतार र नेपालले एक आपसमा थप सहकार्य गर्दै कतारमा नेपालीका लागि उपयुक्त अवसर सिर्जना गर्ने र नेपालको समृद्धिमा कतारबाट लगानी भित्र्याउन निरन्तर पहल गरिरहनुभएको छ । पछिल्लो समय राजदूत युसुफ नेपाल र कतारको सम्बन्ध थप बलियो र सुमधुर बनाउन सक्रिय रहेसँगै नेपालमा उदाहरणीय राजदूतको रुपमा आफ्नो पहिचान बनाउन समेत सफल हुनुभएको छ । कतारले राष्ट्रिय दिवस मनाइरहेको सन्दर्भमा नेपाल कतार सम्बन्धका आयाम र भविष्यबारे जनसवाल दैनिकका लागि सम्पादक रामजी बगालेले महामहिम राजदूत हैलसँग छाटो कुराकानी गर्नुभएको छ । कतार सरकार र नेपाल सरकारको बीच बिगत ४२ बर्ष देखि सुमुधुर सम्बन्ध रहेको र यसलाई थप मजबुत बनाउने अभियानमा रहनुभएका महामहिम राजदूत युसुफ बिन मोहम्मद अहमद अल हैलसँग कुराकानीको सारसंक्षेप :

कतारको राष्ट्रिय दिवसको इतिहास के हो ? कतारको यो राष्ट्रिय दिवस कतिऔं हो र कहिले शुरू हुन्छ ? यस वर्ष कतारले राष्ट्रिय दिवस कसरी मनाउँछ ?
सर्वप्रथम यहाँको प्रश्नकोलागि धन्यबाद, कतारको राष्ट्रिय दिवसको अबसरमा १७ डिसेम्बर २०२० देखि आधिकारिक सरकारी छुट्टी रहेको छ भने उक्त छुट्टी आइतवार, २० डिसेम्बरसम्म रहेको छ भने त्यसपछि सरकारी कार्यालयहरु पुन:संचालनमा आउने छन । यस अवसरमा धेरै अन्तरक्रियात्मक, सांस्कृतिक जस्ता महत्वपुर्ण कार्यक्रमहरु हुनेछन् । त्यसै गरि अल रैयान स्टेडियमको उद्घाटन र अमीरकप फाइनल २०२० पनि यहि अवसरमा उद्दघाटन गरिनेछ ।

कतार राष्ट्रिय दिवसको लागि यस वर्षको नारा के हो ? यो नाराको अर्थ र सन्देश के रहन्छ ?
प्रत्येक वर्ष कतार राष्ट्रिय दिवसको नारा आयोजक समिति कतारले राष्ट्रिय दिवस समारोहको लागी एक अद्वितीय नारा तयार गर्दछ । नारा प्रायः कतारको संस्थापक (शेख जसिम बिन मोहम्मद बिन थानीको कविताको उद्धरणबाट नै लिने गरिन्छ । हरेक वर्षको दिवशको नाराले कतारको स्थापना विश्वास पूर्वाधारको बारेमा वर्णन गर्ने गर्दछ, जसमा देश स्थापना र यसले जनता र यस मुलुकको शक्ति अभिव्यक्त गर्दछ । कतार राष्ट्रिय दिवश २०२० मुल नाराको सन्देश यस प्रकार रहेको छ ।
“राजगद्दीका मालिक, हामी हजुरको स्तुति गर्दछौं “।
“हामी हरेक कर्ममा हजुरको फैसला स्वीकार गर्दछौं “।।

कतारको विकासमा हाम्रो नेपाली श्रम शक्तिलाई कसरी सम्झनु हुन्छ ? भिजन २०३० मा कतारको तर्फबाट नेपालीका लागि बढी सम्भावनाहरू के के हुन्छन् ?

कतारमा हाल नेपाली आप्रवासी कामदारहरूको संख्या ३७५००० रहेका छन । कतारमा रहेका नेपालीहरूले धेरै राम्रो गरि रहेछन् र सबै भन्दा राम्रो पक्ष भनेको आप्रवासीहरु सबै क्षेत्रमा प्रमाणित भएका छन् । उनीहरूको राम्रो प्रयासको कतार सरकार र कतारी नागरिकहरुले प्रशंसा गरेका छन् । कतार भिजन २०३० विकास र पूर्वाधारको महत्वाकांक्षी योजना भएकोले यस विषयसंग जोडिएका धेरै कुराहरुमा कतारले नेपालसँग श्रम क्षेत्रमा सहयोग जारी राख्न चाहन्छ ।
कतार राष्ट्रिय दिवस १८७८ मा कतारको एकीकरणको राष्ट्रिय उत्सव हो । १८ डिसेम्बरलाई जासिम बिन मोहम्मद अल थानीको जन्म जयन्तिको रूपमा मनाईन्छ । कतारका संस्थापक पिता थानीको जन्मदिनको उपलक्ष्यमा उक्त दिन २००७ मा एक महत्वपुर्ण घोषणाद्वारा तत्कालीन सिंहासित राजकुमार र वारस स्पष्ट शेख तमीम बिन हमद अल थानीद्धारा अनुकरण गरिएकोले उक्त दिनलाई पनि संस्थापक दिवस को रूपमा मनाउँदै आएको हो । सन १९७१ मा, बेलायती हस्तक्षेप समाप्त भएपछि कतार संयुक्त राष्ट्र संघको सदस्यको रुपमा सहभागी भयो । यसैको शुभअवसरमा कतारी झण्डा ऐतिहासिक रंग सेतो र मरुन रंगको साथ, संयुक्त राष्ट्र संघ मुख्यालयमा फहराएको थियो । कतार राष्ट्रिय दिवस २०२० समारोह कोभिड १९ को प्रतिबन्ध र सावधानीका उपायहरूको कारण अघिल्ला वर्षको भन्दा केही फरक हुनेछ । । राष्ट्रिय दिवशको अवसरमा कतारमा अझै केहि महत्वपुर्ण कार्यक्रमहरू आयोजना हुनेछन् । जस्तै एयर शो, कोर्निचमा परेड, दोहा कार्निचमा आतिशबाजी देशै भरका विभिन्न मल र बिभिन्न व्यवसायिक केन्द्रहरूमा फरक फरक कार्यक्रमहरू र प्रतियोगिताहरू उपयुक्त तरिकाले आयोजना हुनेछन् ।
अन्त्यमा डिसेम्बर १८को अवसरमा “सिंहासनका महाराज, हामी तपाईको प्रशंसा गर्छौं
हाम्रा सबै कामहरूमा तपाईंको निर्णय स्वीकार गर्दछौं“ ।