काठमाडौं। सरकारले कोरोना उपचारमा संलग्न हुने चिकित्सकका लागि चीनबाट खरिद गर्न लागेको व्यक्तिगत सुरक्षा सामग्री (पीपीई)लगायतका सामग्रीमा ठूलो भ्रष्टाचार हुन लागेको आशंका गरिएको छ ।
स्वास्थ्य तथा जनसंख्या मन्त्रालयले पीपीई, पञ्जा, मास्कलगायतका वस्तुहरु एक अर्ब ५० करोड रुपैयाँमा खरिद गर्ने प्रक्रिया अघि बढाएको छ ।
तर, यी सामग्रीको खरिदमा चरम आर्थिक अनियमितता हुन लागेको आशंका गरिएको छ ।
निजी क्षेत्रले सोही गुणस्तरका सामग्री सरकारलाई उपलब्ध गराएकोभन्दा तेब्बर मूल्यमा चीनबाट किन्ने प्रक्रिया अघि बढाइएपछि भ्रष्टाचारको आशंका उब्जिएको हो ।
चौधरी ग्रुपले एक हजार रुपैयाँमा प्रतिसेट पीपीई सरकारलाई उपलब्ध गराएको छ ।
उद्योगपति वसन्त चौधरीले आफूहरुले प्रतिसेट तीन हजार रुपैयाँको दरले पीपीई उपलब्ध गराएको जानकारी ट्वीटमार्फत् दिएका छन् ।
तर, स्वास्थ्य मन्त्रालयले भने सोही सामग्री प्रतिसेट १५ हजार रुपैयाँमा किन्न लागेको छ ।
सरकारले चीनबाट ल्याउन लागेको सामग्री लिन नेपाल वायुसेवा निगमको विमान शनिबार चीन गइसकेको छ ।
पीपीई खरिदको यो प्रसंग सामाजिक सञ्जालहरुमा ‘भाइरल’ बनेको छ ।
संकटको दुरुपयोग गर्दै आर्थिक लाभ लिनु गम्भीर अपराध हो । यसको निष्पक्ष छानबिनको माग पनि उठेको छ ।
© 2026 All right reserved | Site By : sobij
