आजको राशिफल: वि.सं. २०८३ असोज ५ गते सोमबार

काठमाडौँ । आजको पञ्चाङ्ग तथा राशिफल: वि.सं. २०८३ असोज ५ गते सोमबार, ई.सं. २०२६ सेप्टेम्बर २१, वर्षा ऋतु, दक्षिणायन, नेपाल संवत् ११४६, भाद्र शुक्लपक्ष, दशमी तिथि। उत्तराषाढा नक्षत्र, चन्द्रमा धनु राशिमा, सूर्य कन्या राशिमा। योग: शोभन (अपराह्न करिब ४:२१ बजेपछि अतिगण्ड), करण: तैतिल (बिहान करिब ७:१४ बजेपछि गर र साँझ करिब ८:१७ बजेपछि वणिज)। आज नेपालमा सूर्योदय बिहान ५:५१ बजे र सूर्यास्त साँझ ६:०१ बजे हुनेछ। आज साँझ करिब ८:१७ बजेपछि एकादशी तिथि प्रारम्भ हुनेछ।

आज विश्व शान्ति दिवस तथा विश्व अल्जाइमर्स दिवस मनाइँदै छ। विश्व शान्ति दिवसले व्यक्ति, समाज र राष्ट्रबीच शान्ति, सहकार्य तथा अहिंसाको महत्त्व स्मरण गराउँछ। त्यस्तै, विश्व अल्जाइमर्स दिवसले स्मरणशक्ति तथा विस्मृतिसम्बन्धी समस्याबारे जनचेतना जगाउँदै प्रभावित व्यक्ति र परिवारप्रति सहयोग एवम् सद्भाव बढाउने उद्देश्य राख्छ। आजको दिन आपसी वैमनस्य त्यागी शान्ति, सेवा, सद्भाव र मानवतालाई प्राथमिकता दिनु शुभ हुनेछ।

आज कुनै शुभ वा महत्त्वपूर्ण कार्यको सुरुवात गर्नुपरेमा बिहान ७:१८ बजेदेखि ८:४८ बजेसम्मको अमृत समय तथा बिहान ११:३२ बजेदेखि १२:२० बजेसम्मको अभिजित समय अनुकूल रहनेछ। आज नयाँ योजना बनाउन, अध्ययन गर्न, महत्त्वपूर्ण छलफल गर्न तथा रोकिएका काम व्यवस्थित रूपमा अघि बढाउन सकिनेछ।

मेष (चु, चे, चो, ला, लि, लु, ले, लो, अ): आज कार्यक्षेत्रमा आत्मविश्वास बढ्नेछ र महत्त्वपूर्ण जिम्मेवारी पूरा गर्ने अवसर प्राप्त हुनेछ। व्यवसायमा नयाँ योजना अघि बढाउन सकिनेछ। आर्थिक पक्षमा सुधारको संकेत देखिए पनि अनावश्यक खर्चबाट जोगिनुहोला। पारिवारिक सदस्यको सहयोगले रोकिएका काम पूरा गर्न सहज हुनेछ। शान्त मनले दिनको सुरुवात गर्दा सकारात्मक परिणाम मिल्नेछ। (शुभ रङ: रातो, शुभ अङ्क: ९)

वृष (इ, उ, ए, ओ, बा, बि, बु, बे, बो): आज मेहनत र धैर्यको राम्रो परिणाम प्राप्त हुनेछ। काममा नयाँ जिम्मेवारी आउन सक्छ, जसले भविष्यका लागि लाभको आधार बनाउनेछ। आर्थिक कारोबार गर्दा कागजात तथा हिसाबकिताबमा ध्यान दिनुहोला। परिवारमा आपसी समझदारी बढ्नेछ। स्वास्थ्यका लागि खानपान र पर्याप्त आराममा ध्यान दिनु उचित हुनेछ। (शुभ रङ: सेतो, शुभ अङ्क: ६)

मिथुन (का, कि, कु, घ, ङ, छ, के, को, ह): आज बौद्धिक तथा सिर्जनात्मक कार्यमा राम्रो प्रगति हुनेछ। अध्ययन, अध्यापन र लेखनसम्बन्धी काममा सफलता मिल्नेछ। व्यापार-व्यवसायमा नयाँ व्यक्तिसँगको सम्पर्क उपयोगी बन्न सक्छ। आर्थिक लाभका नयाँ सम्भावना देखिनेछन्। छोटो यात्रा वा महत्त्वपूर्ण भेटघाटको अवसर पनि प्राप्त हुन सक्छ। (शुभ रङ: हरियो, शुभ अङ्क: ५)

कर्कट (हि, हु, हे, हो, डा, डि, डु, डे, डो): आज पारिवारिक विषयमा तपाईंको भूमिका महत्त्वपूर्ण बन्नेछ। कार्यक्षेत्रमा जिम्मेवारी बढे पनि त्यसलाई व्यवस्थित रूपमा पूरा गर्न सकिनेछ। आर्थिक पक्ष सामान्य रहनेछ, तर भावनामा आएर खर्च नगर्नुहोला। प्रेम तथा दाम्पत्य जीवनमा आत्मीयता बढ्नेछ। मनलाई शान्त राख्न धार्मिक वा आध्यात्मिक कार्यमा समय दिनु शुभ हुनेछ। (शुभ रङ: सेतो, शुभ अङ्क: २)

सिंह (मा, मि, मु, मे, मो, टा, टि, टु, टे): आज आफ्नो क्षमता प्रस्तुत गर्ने राम्रो अवसर प्राप्त हुनेछ। कार्यक्षेत्रमा तपाईंको विचारलाई महत्त्व दिइनेछ। व्यवसाय तथा आर्थिक क्षेत्रमा नयाँ सम्भावनाको खोजी गर्न सकिनेछ। परिवारका सदस्यसँग महत्त्वपूर्ण कुराकानी हुन सक्छ। हतारमा निर्णय नगरी सोचविचार गरेर मात्र अघि बढ्नुहोला। (शुभ रङ: सुन्तला, शुभ अङ्क: १)

कन्या (टो, प, पि, पु, ष, ण, ठ, पे, पो): आज योजनाबद्ध ढङ्गले काम गर्दा उल्लेखनीय प्रगति हुनेछ। पेसा तथा व्यवसायमा नयाँ अवसर प्राप्त हुन सक्छ। आर्थिक पक्षमा सुधार आउनेछ र पुरानो कारोबारबाट लाभ मिल्ने सम्भावना छ। अध्ययन तथा सीप विकासका लागि समय अनुकूल रहनेछ। स्वास्थ्यमा नियमितता र अनुशासन कायम राख्नुहोला। (शुभ रङ: हरियो, शुभ अङ्क: ५)

तुला (र, रि, रु, रे, रो, ता, ति, तु, ते): आज सामाजिक तथा व्यावसायिक सम्पर्क बढ्नेछ। नयाँ व्यक्तिसँगको भेटघाटले भविष्यमा उपयोगी अवसर सिर्जना गर्न सक्छ। आर्थिक कारोबारमा लाभ मिल्ने सम्भावना छ, तर हतारमा निर्णय नगर्नुहोला। प्रेम तथा दाम्पत्य जीवनमा मधुरता बढ्नेछ। परिवारसँग समय बिताउँदा मनमा प्रसन्नता मिल्नेछ। (शुभ रङ: नीलो, शुभ अङ्क: ६)

वृश्चिक (तो, ना, नि, नु, ने, नो, या, यि, यु): आज आत्मविश्वास बढ्नेछ र महत्त्वपूर्ण काममा सफलता प्राप्त गर्ने अवसर मिल्नेछ। कार्यक्षेत्रमा पुराना समस्या समाधान गर्न सकिनेछ। आर्थिक रूपमा लाभ प्राप्त हुने सम्भावना छ। पारिवारिक सम्बन्धमा विश्वास र समझदारी बढ्नेछ। धार्मिक तथा सामाजिक कार्यमा सहभागी हुँदा सकारात्मक ऊर्जा प्राप्त हुनेछ। (शुभ रङ: गाढा रातो, शुभ अङ्क: ९)

धनु (ये, यो, भ, भि, भु, ध, फा, ढ, भे): आज चन्द्रमाको प्रभावले उत्साह र सक्रियता बढ्नेछ। नयाँ योजना अघि बढाउन तथा पुराना कामलाई व्यवस्थित रूपमा पूरा गर्न राम्रो समय छ। अध्ययन, अध्यापन तथा धार्मिक कार्यमा रुचि बढ्नेछ। आर्थिक पक्षमा सकारात्मक संकेत देखिन्छन्। टाढाको यात्रा वा नयाँ स्थानसँग सम्बन्धित काममा पनि प्रगति हुन सक्छ। (शुभ रङ: पहेँलो, शुभ अङ्क: ३)

मकर (भो, ज, जि, खि, खु, खे, खो, गा, गि): आज धैर्यपूर्वक अघि बढ्दा काममा सफलता प्राप्त हुनेछ। कार्यक्षेत्रमा जिम्मेवारी बढ्न सक्छ, तर त्यसलाई अवसरका रूपमा लिन सकिनेछ। आर्थिक विषयमा दीर्घकालीन योजना बनाएर अघि बढ्नु राम्रो हुनेछ। परिवारका ज्येष्ठ व्यक्तिको सुझाव उपयोगी बन्न सक्छ। शरीरमा थकान महसुस भए पर्याप्त आराम गर्नुहोला। (शुभ रङ: नीलो, शुभ अङ्क: ८)

कुम्भ (गु, गे, गो, सा, सि, सु, से, सो, द): आज नयाँ सम्पर्क र सहकार्यबाट लाभ लिन सकिनेछ। व्यवसायमा नयाँ अवसरको खोजी गर्न उपयुक्त समय रहेको छ। आर्थिक लाभ प्राप्त हुने सम्भावना भए पनि खर्चको सन्तुलन मिलाउनु आवश्यक हुनेछ। मित्र तथा परिवारसँगको सम्बन्धमा आत्मीयता बढ्नेछ। समाजसेवा वा मानवीय कार्यमा सहभागी हुँदा मनमा सन्तुष्टि मिल्नेछ। (शुभ रङ: आकाशे, शुभ अंक: ८)

मीन (दि, दु, थ, झ, ञ, दे, दो, च, चि): आज मनमा शान्ति र आध्यात्मिक भाव बढ्नेछ। रोकिएका काम विस्तारै पूरा हुँदै जानेछन् र कार्यक्षेत्रमा सहयोग प्राप्त हुनेछ। आर्थिक पक्षमा सामान्य सुधार आउनेछ। प्रेम तथा दाम्पत्य जीवनमा आत्मीयता बढ्नेछ। परिवार तथा आफन्तसँग मधुर व्यवहार गर्दा सम्बन्ध अझ गाढा बन्नेछ। (शुभ रङ: पहेँलो, शुभ अङ्क: ३)

डा. खेमराज मिश्र, पीएचडी (उहाँ फलित ज्योतिषविद् तथा ज्योतिष अनुसन्धानकर्ता, नेपाल ज्योतिष परिषद्का केन्द्रीय उपमहासचिवकाे जिम्मेवारीमा पनि हुनुहुन्छ, सम्पर्कः ९७६७-६७८३८३ बुद्दनगर, काठमाडाैं )