इरान-समर्थित हुथी लडाकुले गरे साउदी राजधानी रियादमा आक्रमण

रियाद । यमनका इरान-समर्थित हुथी लडाकुहरूले साउदी अरबको राजधानी रियादका साथै लाल सागरको तटमा रहेका ऊर्जा केन्द्रहरूलाई लक्षित गरी ड्रोन र ब्यालिस्टिक क्षेप्यास्त्र आक्रमण गरेको दाबी गरेका छन्।

साउदी अधिकारीहरूले शनिबार रियादतर्फ प्रहार गरिएको एउटा ब्यालिस्टिक क्षेप्यास्त्रलाई बीचमै रोकी नष्ट गरेको बताएका छन्; यद्यपि, उनीहरूले अन्य कुनै आक्रमण वा हताहतीको भने पुष्टि गरेका छैनन्।

यसअघि, साउदी राजधानीको अन्तर्राष्ट्रिय विमानस्थल नजिकै रहेका इन्धन ट्याङ्कीहरूबाट कालो धुवाँको मुस्लो उठिरहेको देखिएको थियो, जसका कारण शनिबार केही समयका लागि उडानहरू अवरुद्ध भएका थिए।

जुलाई महिनामा इरान-समर्थित हुथीहरूले साउदी अरबमाथि आक्रमण बढाएयता राजधानीमा पहिलो पटक हवाई आक्रमणको चेतावनी (साइरन) बजाइएको थियो।

अमेरिकी विदेश मन्त्रालयले मध्यपूर्वमा रहेका अमेरिकी नागरिकहरूलाई “सतर्क रहन तथा सम्भावित उडान रद्द र यात्रासम्बन्धी अन्य अवरोधहरूका लागि तयार रहन” आग्रह गरेको छ।

एक विज्ञप्तिमा भनिएको छ, “इरान-समर्थित हुथीहरूले नागरिक विमानस्थललगायत साउदी अरबविरुद्ध शत्रुतापूर्ण गतिविधिहरू सञ्चालन गरेका छन्। यो सैन्य द्वन्द्व तीव्र रूपमा बढ्ने सम्भावना छ।”

विज्ञप्तिमा अमेरिकीहरूले “यस क्षेत्रको यात्रा गर्ने वा यस क्षेत्र भएर यात्रा गर्ने निर्णयमा गम्भीरतापूर्वक पुनर्विचार गर्नुपर्ने” कुरा पनि उल्लेख गरिएको छ।

साउदी नेतृत्वको गठबन्धनका एक आधिकारिक प्रवक्ताले जारी गरेको विज्ञप्ति अनुसार, हवाई प्रतिरक्षा प्रणालीले बिश , ताइफ (Taif), फरासान र यान्बु सहरहरूमा “नागरिकहरूलाई लक्षित गर्ने शत्रुतापूर्ण प्रयासहरू” लाई पनि विफल पारेको छ।

अनलाइनमा जारी गरिएको एक विज्ञप्तिमा हुथी सैन्य प्रवक्ता याह्या अल-सारियाले रियादका “संवेदनशील स्थलहरू” र तटीय सहर यान्बुमा रहेको सरकारी तेल तथा ग्यास कम्पनी ‘अरामको’का संरचनाहरूमा आक्रमण गर्न “ठूलो सङ्ख्यामा ब्यालिस्टिक तथा क्रुज मिसाइल र ड्रोनहरू” प्रयोग गरिएको बताएका छन्।

उनले यी आक्रमणहरू यमनको राजधानी साना (जुन हाल हुथीहरूको नियन्त्रणमा छ) लाई लक्षित गर्ने “साउदी शत्रुको आपराधिक प्रयासको जवाफ” स्वरूप गरिएका हुन् भनी थपे। यसअघि, सारियाले साउदी अरबमाथि गत साता यमनभर ३०० पटक आक्रमण गरेको आरोप लगाएका थिए।

हुथीहरू साउदी अरबको समर्थन प्राप्त यमनको अन्तर्राष्ट्रिय रूपमा मान्यता प्राप्त सरकारसँग गृहयुद्धमा संलग्न छन्। उनीहरूले हालैका महिनाहरूमा साउदी अरबभित्रका विभिन्न स्थानहरूमा आक्रमण गरेका छन् र यसै साता यमनको आकाशमा साउदी लडाकु विमान खसालेको जिम्मेवारी पनि लिएका छन्। जसले यमनको गृहयुद्धमा संलग्न दुवै पक्षका सैन्य स्रोतहरूलाई उद्धृत गर्दै भनेकाे छ, निबार हुथी र साउदी-समर्थित सरकारी फौजबीच भएको भिडन्तमा ४८ जनाको ज्यान गएको छ।

समाचार अनुसार हुथीहरूले आफ्ना ३१ जना लडाकु मारिएको बताएका छन् भने सरकारी स्रोतहरूले आफ्नो पक्षका १७ जना सैनिकले ज्यान गुमाएको जनाएका छन्।

शुक्रबार संयुक्त राष्ट्रसङ्घको निकाय ‘इन्टरनेसनल अर्गनाइजेसन फर माइग्रेसन’ ले हालैको भिडन्तका कारण विस्थापित हुने मानिसहरूको सङ्ख्या १ लाख ४ हजार ७ सय ९६ नाघेको जानकारी दिएको छ।