सोमबार, मंसिर ८ २०८२
काठमाडौँ । काठमाडौँको टोखा नगरपालिका–९ स्थित नयाँ बसपार्कमा शनिवार भेलिएको शव तेस्रो लिंगीको नभई महिलाको रहेको पुष्टि भएको छ ।
त्रिवि शिक्षण अस्पतालका चिकित्सकहरूले प्रारम्भिक जाँच पश्चात् शव महिलाको भएको अनुसन्धान अधिकृतहरूलाई जानकारी गराएका छन् । पोस्टमार्टम रिपोर्ट आइसकेको छैन ।
हत्यामा संलग्न आरोपमा प्रहरीले एक जनालाई नियन्त्रणमा लिएको छ । प्रहरी स्रोतका अनुसार पक्राउ पर्नेमा उदयपुर घर भएका सूर्य मगर छन् । शनिबार नयाँ बसपार्क नजिकै सडकमा तन्नामा पोको पारेर फालिएको शवको पहिचान खुलाउने प्रयास भइरहेको छ ।
आरोपी सूर्य मगर बसपार्कस्थित एक होटलका भान्से हुन् । मृतक महिलालाई उनले पाँच सय रुपैयाँ सापटी दिएका थिए । सो सापटी रकम फिर्ता माग्दा नदिएपछि ‘विवाद’ भएको र त्यसपछि उनले हत्या गरेको प्रहरीको प्रारम्भिक अनुसन्धान निष्कर्ष छ । अनुसन्धानमा संलग्न अधिकृतहरूका अनुसार मृतकको घाँटी थिचेर सुर्यले हत्या गरेका हुन् ।
मृतक महिलाले आफूसँग कुरा हुँदा उनको घर रुकुम बताएको पक्राउ परेका युवकले प्रहरीसँग बताएका छन् । तर, महिलाको पहिचान खुलाउने प्रयास भइरहेको काठमाडौँका एसएसपी रमेश बस्नेतले बताए ।
© 2026 All right reserved | Site By : sobij
