कञ्चनपुरमा जङ्गली च्याउ खाँदा दुई जना बिरामी

कञ्चनपुर, २५ असार। कञ्चनपुरमा जङ्गली च्याउ खाँदा दुई जना बिरामी परेका छन्। जिल्लाको कृष्णपुर नगरपालिका वडा नम्बर २ वाणिमा जङ्गली च्याउ खाँदा आमा छोरी बिरामी परेका हुन्।

जिल्ला प्रहरी कार्यालय कञ्चनपुरका अनुसार, जङ्गलबाट ल्याएको च्याउँ खाँदा देवा देवी चौधरी र उहाँकी १८ वर्षीया छोरी सङ्गीता चौधरी बिरामी भएका हुन् ।

विषालु च्याउ खाँदा बिरामी भएका उनीहरुको कैलालीको धनगढीस्थित सेती प्रादेशिक अस्पतालमा उपचार भइरहेको जिल्ला प्रहरी कार्यालय कञ्चनपुरका प्रहरी नायब उपरीक्षक सागर बोहराले बताए। उनीहरुको अवस्था सामान्य रहेको प्रनाउ बोहराले बताए ।