राप्रपाको सरकारबाट बाहिरिने निर्णय

काठमाडौं,राप्रपाले सरकारबाट बाहिरिने निर्णय गरेको छ।  यस्तै प्रचण्ड नेतृत्वको सरकारलाई दिएको समर्थन पनि फिर्ता लिएको छ । पार्टी कार्यालय धुम्बाराहीमा बसेको राप्रपाको केन्द्रीय कार्य सम्पादन समिति र संसदीय दलको संयुक्त बैठकले सो निर्णय गरेको प्रवक्ता मोहन श्रेष्ठले बताए ।
परिवर्तित सन्दर्भमा राप्रपा सत्तामा रहिरहनु अनुपयुक्त हुने ठहर गर्दै आजबाटै सरकारलाई दिएको समर्थन फिर्ता लिई सरकारबाट बाहिरिने निर्णय गरेको राप्रपाले जनाएको छ ।  प्रदेश सरकारमा पनि राप्रपाको यसै बमोजिमको दृष्टिकोण रहेकाले प्रदेश सरकारलाई दिएको समर्थन पनि फिर्ता लिने र प्रदेश सरकारबाट समेत बाहिरिने निर्णय पनि गरेको छ ।