काठमाडौं । दशरथ रंगशालामा हुन लागेको त्रिदेशीय कप अन्तर्राष्ट्रिय फुटबल प्रतियोगिताको खेल तालिका सार्वजनिक भएको छ । अखिल नेपाल फुटबल संघ (एन्फा)ले त्रिदेशीय प्रतियोगिताको खेल तालिका सार्वजनिक गरेको छ ।
एन्फाले सार्वजनिक गरेको खेल तालिकाअनुसार प्रतियोगिता चैत ९ देखि १७ (मार्च २२ देखि ३०) सम्म हुनेछ । प्रतियोगिताका सबै खेल दशरथ रंगशालामा हुनेछ ।
प्रतियोगिताको उद्घाटन खेलमा किर्गिस्तान र बंगलादेश भिड्नेछन् । उद्घाटन खेल २३ मार्चमा हुनेछ ।
यस्तै, प्रतियोगितामा नेपालले पहिलो खेलमा किर्गिस्तानसँग खेल्नेछ । नेपाल र किर्गिस्तानबीचको खेल मार्च २५ मा हुनेछ ।
प्रतियोगिताको दोस्रो खेलमा नेपालले बंगलादेशसँग खेल्नेछ । नेपाल र बंगलादेशबीचको खेल २७ मार्चमा हुनेछ । प्रतियोगितामा किर्गिस्तानको यू-२३ टिम र बाँकी राष्ट्रिय टिम हुनेछन् ।
राउण्ड रोबिनको आधारमा हुने लिगको शीर्ष दुई टिमले फाइनल खेल्नेछन् । प्रतियोगितामा कुल ४ खेल हुनेछ ।
© 2026 All right reserved | Site By : sobij
