एकै दिन ११० महिलासहित ६२९ जनामा संक्रमण पुष्टि, नेपालमा कोरोना संक्रमितको संख्या १०७२८ (भिडियोसहित)

काठमाडौँ(जस)– नेपालमा बुधबार ६२९ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले बुधबार ६२९ जना संक्रमित थपिएका नियमित प्रेस ब्रिफिङका क्रममा जानकारी दिए ।

उनीहरु मध्ये ५१९ जना पुरुष र ११० जना महिला महिला छन् । यो सँगै नेपालमा कोरोना संक्रमितको संख्या १०७२८ पुगेको छ ।

कोरोना संक्रमण निको भएर डिस्चार्ज हुनेको संख्या २३३८ रहेको छ ।

त्यसमा १९७ महिला र २१४१ पुरुष छन् । गत चौबिस घण्टामा मात्रै ८ महिला र १०६ पुरुष गरी ११४ जना डिस्चार्ज भएका हुन्।

नेपालमा कोरोना भाइरस संक्रमित फेला परेका जिल्लाहरुको संख्या ७६ छ ।

बागमती प्रदेशको रसुवा बाहेकका सबै जिल्लामा कोरोना संक्रमण फैलिएको छ ।

नेपालमा कोरोना संक्रमणका कारण मृत्यु हुनेको संख्या २४ छ ।
https://www.facebook.com/mohpnep/videos/301883924312255/