कोरोनाबाट बेलायतमा थप एक नेपालीको मृत्यु, बेलायतमा मात्र ३५ नेपालीको मृत्यु

काठमाडौं(जस)– बेलायतमा थप एक नेपालीको कोरोनाभाइरसका कारण निधन भएको छ । नेपालमा पर्वत घर भएका नारायण कोन्मे गुरुङको बेलायतमा सोमबार मृत्यु भएको हो । उनलाई गत साता मात्र कोरोनाभाइरस संक्रमण भएको पुष्टि भएको थियो । उनी गत साता नै अस्पतालमा भर्ना भएका थिए ।

२०२५ सालमा गोरखा सैनिकमा भर्ती भएका गुरुङले केही वर्षमा नै त्यहाँको जागिर छोडेर नेपाल फर्किएका थिए । त्यसपछि केही समय उनी नेपालमा नै बसे र शिक्षण पेशामा आवद्ध भए ।

गुरुङ पछिल्ला केही वर्ष श्रीमती, एक छोरी र दुई छोरासहित बेलायतमा बस्दै आएका थिए । गुरुङको निधनसँगै बेलायतमा कोभिड १९ का कारण मृत्यु हुने नेपालीको संख्या ३५ पुगेको छ ।