फूर्पा घलेको ‘चन्द्र सूर्य’ बोलको गीतले चर्चाको शिखर चुम्दै

छोटो समयमै अत्याधिक रुचाईयो
काठमाडौं(जस)– फूर्पा घलेको शब्द संगीतमा रहेको नयाँ गीतीसंग्रह चन्द्र सुर्य बजारमा आएको छोटो समयमै सर्वाधिक चर्चा बटुल्न सफल भएको छ । नेपाली राष्ट्रिय भावनाले ओतप्रोत भएको उक्त गीत खेलकुदलाई मध्यनजर गर्दै ‘हुटिङ सङ’का रुपमा बजारमा ल्याईएको गीतकार घलेले बताए । घलेका हालसम्म ६ वटा गीत बजारमा आईसकेको छ, जसमा एकमहिना अघि बजारमा आएको चन्द्रसुर्य गीत सर्वाधिक चर्चा बटुल्न सफल भएको हो ।
मनाङ जिल्लाको तत्कालिन फिसाङ गाँउपालिका वडा नम्बर ६ मा ४६ बर्षअघि जन्मिएका घले हिमाली गीतकारका रुपमा परिचित छन । यसअघि उनका ‘हिमालको काखमा जन्मेको नेपालीको छोरो, ‘जन्मेपछि बाँचुञ्जेलसम्म चाहिने रैछ धन’ लगायतका गीत चर्चित छन ।
समाजसेवा र गीतलाई सँगसँगै अगाडि बढाएका घलेले केही समयअघि मृगौला पीडित समिर तामाङको जिबन बचाउनका लागि आर्थिक सहयोग समेत गरेका थिए ।
नेपाली संगीत क्षेत्रमा प्रवेश गर्नुका पछाडि उनले मुख्यतः ४ वटा कारण प्रश्तुत गरे । गीतबाट उठेको रकमले दीनदुखी व्यक्तिहरुको भलाईमा खर्च गर्दै आएका घलले देशका लागि, जन्मभुमिको चिनारीका लागि, समाजसेवा र आफ्ना सन्ततिलाई नेपाली संगीत क्षेत्रमा बाटो देखाउनका लागि आफु क्रियाशिल रहेको बताए । पछिल्लो समय उनको ‘चन्द्र र सुर्य बोलको गीत दर्शकश्रोताले अत्याधिक रुचाएका छन । गीतमा राजेशपायल राई र अनिल गुरुङले स्वर दिएका छन ।