चलचित्रकर्मीका सन्तानलाई अध्ययनमा ३० प्रतिशत छुट

काठमाडौं(जस)–चौधरी गु्रपद्वारा संचालित क्याम्पियन काठमाडौँ सेकेण्डरी विद्यालय गहना पोखरीले चलचित्रकर्मी तथा उनीहरुका परिवारलाई अध्ययनमा ३० प्रतिशत छुट दिने भएको छ । नेपाल चलचित्र निर्देशक समाजको पहलमा सो विद्यालयले चलचित्रकर्मीको सम्मानका लाागि यो छुट दिने निर्णय गरेको हो । निर्देशक समाजको अध्यक्ष सुचित्रा श्रेष्ठ र क्याम्पियन विद्यालयको प्रिन्सिपल खेमराज देवानले चलचित्रकर्मी छुट सम्झौता पत्रमा हस्ताक्षर गरेका छन् । सम्झौता हाललाई २ वर्षको लागि गरिएको छ ।
चलचित्रकर्मीले महँगो खर्च तिरेर आफ्नो बालबच्चा पढाउने अवस्था अझै नबनेकोले क्याम्पियनको यो सौहुलियत उनीहरुका लागि लाभदायक हुने समाजकी अध्यक्ष सुचित्रा श्रेष्ठले बताइन् । केही दिन नेपाल चलचित्र निर्देशक समाजले इत्तिहाद एयरवेजसँग पनि सम्झौता गरेर अन्तराष्ट्रिय उडानका लागि २० प्रतिसत छुटको ब्यवस्था गरेको थियो ।