काठमाडौं, १४ जेठ । खानेपानी मन्त्री बीना मगरका पूर्वपती शंकर अधिकारीसहित तीनजनाले विप्लव समूहबाट आत्मसमर्पण गरेका छन्।
शंकर अधिकारी नेपाल कम्युनिष्ट पार्टी विप्लव समूहका मध्य कमाण्ड पार्टी सचिव तथा रौतहट जिल्ला इन्चार्ज हुन्।
अधिकारी तत्कालीन एमाओवादीको काठमाडौं जिल्ला नेता हुँदा पार्टी विभाजनसँगै उनी बैद्य समूह र त्यसपछि विप्लव समूहमा पुगेका थिए ।
मध्यकमाण्ड इन्चार्ज हेमन्तप्रकाश वली ‘सुर्दशन’ सँगै पक्राउ परेका उनीहरुले आइतबार ललितपुर जिल्ला प्रशासन कार्यालयमा आत्मसमर्पण गरेका हुन् ।
ललितपुर जिल्ला अदालतले साधारण तारेखमा छाडे लगत्तै अधिकारीसहित संजिव कार्की र देवराज घिमिरेले विप्लव नेकपा पार्टी परित्यागसहित हिंसाको बाटो त्यागेर शान्तिपूर्ण राजनीतिका लागि आत्मसमर्पण गरेको प्रशासनले जनाएको छ।
© 2026 All right reserved | Site By : sobij
