एनआरएनए अमेरिकाका अध्यक्ष पदका प्रत्यासी सुनिल शाह विवादमा, बिजनेस पार्टनरकी श्रीमतीको कम्पनीलाई वेबसाइट बनाउन दिएको पुष्टि

काठमाडौं (जस)–गैर आवासीय नेपाली संघ(एनआरएनए) राष्ट्रिय समन्वय समिति अमेरिकाको आगमी निर्वाचनमा अध्यक्ष पदका प्रत्यासी सुनिल शाह विवादमा परेका छन् । आफ्नै बिजनेस पार्टनरकी श्रीमतीको कम्पनीलाई एनआरएनएको वेबसाइट बनाउन दिएको पुष्टि भएसँगै शाहको उम्मेदवारी नै धरापमा परेको छ । वर्तमान वरिष्ठ उपाध्यक्षसमेत रहेका शाहको व्यवसाय साझेदार (बिजिनेस पार्टनर) शंकेस्वर सुबेदीको श्रीमती रोशी अमात्यको नाममा भएको पुष्टि भएसँगै यस्तो तथ्य बाहिरिएको हो । एआईजीईएएल, एलएलसी नामक ब्यबसायमा सुनिल शाह निर्देशक हुन् भने शंकेस्वर सुबेदी पनि निर्देशक रहेको कागजातद्वारा पुष्टि भएको देखिन्छ । उनकै ब्यबसाय साझेदार सुबेदीका पत्नी रोशी अमात्यलाई एनआरएनए अमेरिकाको आधिकारिक संजाल (वेबसाइट ) बनाउने जिम्मा स्पार्कइन्टेल इङ्क लाई दिइएको खुला्स भएको छ ।
उक्त स्पार्कइन्टेल इङ्क कम्पनि प्रतिष्ठान फेब्रुअरी १५,२०१६ मा मात्र दर्ता भएको देखिन्छ । रोशी अमात्य स्पार्कइन्टेल इङ्क कम्पनि (प्रतिष्ठान)को निर्देशक रहेको प्रमाणले स्पष्ट भएको छ । एनआरएन अमेरिकाको सदस्य बन्ने क्रममा ४८ घण्टा सम्म सर्बर डाउन (जालवितरक बिग्रेको)को अहिलेसम्म कुनै रिपोर्ट (प्रतिबेदन) दिएका छैनन् भने यसको चौतर्फी माग अझै भै रहेको छ । जसको कारण धेरै व्यक्तिहरु सदस्य बन्नबाट बन्चित भएका थिए । शाह वेबसाइट बनाउने प्रमुख जिम्मेबार लिएका छन् भने आफ्नो चुनावी प्रचार तथा प्रसारमा संजाल (वेबसाइट )लाई अहिलेसम्मकै सर्वाधिक राम्रो भनिरहेका छन् ।
उनले पेन्टागनको वेबसाइट ह्याक (अनाधिकृत प्रवेश ) हुन् सक्छ तर हाम्रो एनआरएनए अमेरिकाको कहिले नहुने दावीसम्म गरेका थिए । तर अहिलेसम्म पनि अमेरिका जस्तो उच्च प्रविधिको विकासकको चरम सिमा नाघेको राष्ट्रमा सर्बर डाउनको रिपोर्ट दिन असमर्थ रहेका छन् । यसलाई अमेरिकाका गैर आवसीय नेपालीहरुले सुनियोजित रुपमा गरिएको आरोप लगाएका छन् । सामान्य रुपमा दिन सकिने रिपोर्ट नदिएको र सार्वजनिक नगरेको कारण थुप्रै शंका उपशंकाको घेरामा सुनील शाह अझ पनि रहेका छन् । आगामी मे १८ र १९ का दिन निर्वाचन हुँदै छ ।वेबसाइट बनाउने प्रतिष्ठानको प्रमुख पनि उनि, वेबसाइट बनाउने कम्पनी, व्यवसाय जिम्मा पनि आफ्नो ब्यबसाय साझेदारको श्रीमतीलाई दिने र सर्बर डाउनभएको प्रतिबेदन पनि नदिने आफै उम्मेदवार हुने भन्दै अहिले शाहको आलोचना भएको छ । अमेरिका जस्तो मूलुकमा हजारौ संजाल बनाउने कम्पनी भएपनि शाहले सन् २०१६ मा मात्र खुलेको संस्थालाई दिनुले अझ शंका उपशंका गर्ने थुप्रै ठाउँ देखिन्छ ।
गैर आवासीय नेपाली सङ्घ (एनआरएन) अमेरिकाका अध्यक्षका तीन जना प्रत्याशीहरू रहेका छन् । एनआरएनए अमेरिकाको आसन्न निर्वाचनमा अध्यक्षका तीन प्रत्याशीहरू सुनिल साह, सञ्जय थापा र सूर्य लम्साल एकै ठाउमा रहेका छन् । यस पटक दुई सय १२ जनाले विभिन्न पदका लागि उम्मेदवारी दिएका छन् । एनआरएन अमेरिकामा यस पटक ८ हजार ९ सय २३ जनाले सदस्यताको आवेदन दिएकामा ८ हजार ८ सय ६१ ले सदस्यता प्राप्त गरेका छन् । यसमा पुरानो ५ सय ९१ जना आजीवन सदस्यसमेत गरी ९ हजार ४ सय ५२ जना सदस्य भएका छन् । मे १८ र १९ तारिख निर्वाचन मिति तोकिएको छ भने मे २१ तारिख परिणाम घोषणा तथा जुलाई ६ तारिख निर्वाचित समितिलाई पद हस्तान्तरण र प्रमाणपत्र वितरणको कार्य तालिका सार्वजनिक गरिएको छ ।