महालक्ष्मी विकास बैंकको नाफा १५ प्रतिशतले वृद्धि

काठमाडौं(जस)–महालक्ष्मी विकास बैंक लिमिटेडले तेस्रो त्रैमासमा खुद मुनाफा ३८ करोड ७८ लाख रुपैयाँ कमाएको छ । जुन गत वर्षको सोहिअवधिको तुलनाभन्दा १५ दशमलव १३ प्रतिशतले वृद्धि गरेको हो । अघिल्लो वर्षको सोहिअवधिमा नाफा ३३ करोड ६९ लाख रुपैयाँ कमाएको थियो । २ अर्ब ८४ करोड ४५ लाख रुपैयाँ चुक्ता पुँजी भएको बैंकले जगेडाकोषमा १ अर्ब २८ करोड ६४ लाख रुपैयाँ छुटाएको छ । जसले निक्षेपमा ३० अर्ब ४९ करोड ९ लाख रुपैयाँ संकलन गरि कर्जामा २६ अर्ब ३५ करोड ९५ लाख रुपैयाँ लगानी गरेको छ । कर्जामा २३ दशमलव ८० प्रतिशतले वृद्धि गरी लगानी गरेको छ ।
बैंकको खुद व्याज आम्दानी ३९ दशमलव ५५ प्रतिशतले बढेर १ अर्ब २६ लाख रुपैयाँ र संचालन मुनाफा १९० प्रतिशतले बढेर ४९ करोड ६७ लाख रुपैयाँ पुगेको छ । बैंकले प्रोभिजनमा १९ करोड ७५ लाख रुपैयाँ राखेको छ भने खराब कर्जा ७ करोड १० लाख रुपैयाँ उठाएको छ ।बैकको निष्कृय कर्जा ३ दशमलव ८५ प्रतिशत, जोखिम युक्त सम्पत्ति १५ दशमलव ९७ प्रतिशत, प्रतिशेयर आम्दानी वार्षिक १८ दशमलव १८ रुपैयाँ, प्रतिशेयर नेटवर्थ १४५ दशमलव २३ रुपैयाँ र तरलता अनुपात २८ दशमलव ०३ प्रतिशत रहेको छ ।