फिल्म ‘कुम्भ करण’ को ट्रेलर रिलिज

काठमाडौं(जस)–जेठ १७ गतेदेखि सार्वजनिक प्रदर्शनमा आउन लागेको फिल्म ‘कुम्भ करण’ को ट्रेलर रिलिज गरिएको छ । रोमान्टिक, सस्पेन्स र कमेडी प्लट समेटिएको सार्वजनिक ट्रेलरले दर्शकको ध्यान खिच्न सक्छ । अभिनेत्री निशा अधिकारीले शिक्षिकाको भूमिकामा निर्वाह गरेको फिल्ममा गौरव पहारी शिक्षक, भोलाराज सापकोटा प्रधानाध्यापक, अभय बराल पिएनको भूमिकामा छन् । फिल्ममा आकाश पल, कुलदिप अधिकारी, सद्भाव थापा लगायतको मुख्य भूमिका रहेको छ ।
आकाश पल इन्टरटेन्मेन्टको ब्यानरमा निर्माण भएको फिल्मलाई दिपक वलीले निर्देशन गरेका छन् । रोम वली कार्यकारी निर्माता, क्षितिज बस्नेत र खड्क वुढाथोकी फिल्मका निर्माता हुन् । फिल्ममा महेश दवाडीको कथा, पटकथा तथा संवाद, हरि लामाको छायाँकन, विनोद ढकाल, गोविन्द मधुर आचार्य र जयन जेको संगीत, सुरेन बसेलको नृत्य छ ।