लुम्बिनी विकास बैंकको मुनाफामा ८६ प्रतिशतले वृद्धि

काठमाडौं(जस)–लुम्बिनी विकास बैंक लिमिटेडले तेस्रो त्रैमासमा खुद नाफा ३४ करोड ३४ लाख रुपैयाँ कमाएको छ । जबकी गत वर्षको सोहिअवधिको तुलनाभन्दा ८६ दशमलव २६ प्रतिशतले वृद्धि गरेको हो । अघिल्लो वर्ष सोहिअवधिमा नाफा १८ करोड ४४ लाख रुपैयाँ कमाएको थियो । २ अर्ब २० करोड ९७ लाख रुपैयाँ चुक्ता पूँजी भएको लुम्बिनी विकास बैंकले जगेडाकोषमा १ अर्ब ४६ करोड ५४ लाख रुपैयाँ छुटाएको छ । बैंकले निक्षेपमा २४ अर्ब ३५ करोड ४५ लाख रुपैयाँ संकलन गरि कर्जामा २२ अर्ब ३६ करोड २७ लाख रुपैयाँ लगानी गरेको छ । अघिल्लो वर्षको तुलनामा कर्जा २९ दशमलव ४१ प्रतिशतले वृद्धि गरेको छ ।
बैंकको खुद व्याज आम्दानी ३७ दशमलव ७ प्रतिशतले बढेर ७३ करोड २४ लाख रुपैयाँ पुगेको छ भने संचालन मुनाफा १६८ दशमलव ८५ प्रतिशतले बढेर ४९ करोड २१ लाख रुपैयाँ पुगेको छ । बैंकले यस त्रैमासमा प्रोभिजन छुटाएको छैन भने खराब कर्जा ७८ लाख रुपैयाँ उठाएको छ । लुम्बिनी विकास बैंकको निष्कृय कर्जा २ दशमलव १३ प्रतिशत, जोखिम युक्त सम्पत्ति १५ दशमलव ७९ प्रतिशत, प्रतिशेयर आम्दानी वार्षिक २० दशमलव ७३ रुपैयाँ, मुल्य आम्दानी अनुपात ८ दशमलव ४ गुणा, प्रतिशेयर नेटवर्थ १६६ दशमलव ३२ रुपैयाँ र तरलता अनुपात २३ दशमलव ७२ प्रतिशत रहेको छ ।