काठमाडौँ,दसैँको मुखमा कलाकार अर्जुन कुँवर (पितृ बुढा)ले ‘दसैँ हो कि दशा’ बोलको गीत सार्वजनिक गरेका छन । कुँवरकै शब्द संगीत रहेको गीतमा पछिल्लो समय भाइरल बनेकी सिम्रन परियारको समेत आवाज रहेको छ ।
गीतमा गायक कुँवरले गरिबीका कारण चाडपर्वमा बेहोर्नु परेको पीडाहरूलाई कुशलताका साथ गीतमा उतारेका छन । महेन्द्र भण्डारीको एरेन्ज रहेको गीत सार्वजनिक भएको केही दिनमा युट्युबको ट्रेन्डिङमा परेको थियो  ।
गुल्मीको इस्माका गायक तथा हास्य कलाकारको परिचय समेत बनाएका  कुँवर विगत १० वर्षदेखि कलाकारिता क्षेत्रमा आबद्ध छन । हास्य टेलिसिरियलबाट आफ्नो कलाकारिता सुरु गरेसँगै गुल्मी जिल्लाको रेडियो रेसुङ्गामा चार वर्ष सञ्चारकर्मीको रूपमा काम गरेका अर्जुनले २०७३ सालमा ‘तिम्रो कसम’ नामको लोकदोहोरी एल्बम ल्याएका थिए ।
त्यसपछि उनले ‘स्वार्थी  दुनियाँ’, ‘आँसुको कारखाना’, ‘लिलामी’, ‘शासन’, ‘ओठ खोलेर’ , ‘ए दैव’, ‘आऊ नाचौँ माया’, ‘आँसुको सहर’, ‘गुल्मेलीको नाच’लगायतका गीतहरूमा आवाज दिइसकेका छन ।  पछिल्लो समयमा उनले ल्याएको दसैँ हो कि दशा’ पनि लोकप्रिय बनेको छ । यो गीतबाट राम्रो प्रतिक्रिया आइरहेको उनको भनाइ छ । नेपाली चर्चित हास्य सिरियल ह्वाट, हल्का रमाइलो, हालत खराब, सरी ल, ठिकै छ लगायतका सिरियलहरुमा आफ्नो कला अभिनय मार्फत विभिन्न टेलिभिजनका पर्दामार्फत आफ्नो प्रस्तुत गरिरहेका निरन्तर यही क्षेत्रमा लागिरहने बताउँछन् ।  सयौँ म्युजिक भिडियोमा समेत अभिनय गरेका उनी लाइभ दोहोरीमा समेत उत्तिकै हिट छन । अर्जुनले देश विदेशका  कार्यक्रमहरूमा पनि आफ्नो प्रस्तुति दिँदै आएका छन । सबै कलामा कुशल अर्जुन धेरै सम्भाबना बोकेका कलाकारको सुचिमा पर्छन ।