काठडमाडौं(जस)– पोल्यान्ड लैजाने भन्दै टिकटकमा अवैध विज्ञापन गरि न्तर्वार्ता लिने दुई विदेशी नागरिक पक्राउ परेका छन । शनिबार नक्सालस्थित मेरियट होटलबाट उनीहरु पक्राउ परेका हुन् । केही दिन पहिले टिकटक र सामाजिक संजालमा पोल्यान्ड रिक्रुटमेन्ट कम्पनीको प्रतिनिधि भएको भन्दै रिता नाम गरेकी एक महिलाले वेयरहाउस र फ्याक्ट्रीमा काम गर्न हजार जना नेपालीलाई पोल्यान्ड र अन्य युरोपियन देशमा लैजाने बिज्ञापन हालेकी थिइन ।
उक्त बिज्ञापनपछि शनिवार अन्तर्वार्ताका लागी सयौ युवा युवतीको होटल मेरियट अगाडि बिहानैदेखि भिड लागेको थियो । उनीहरू फेसबुक र टिकटकमा एउटा भिडिओ हेरेर पोल्याण्ड र युरोप जानेबारे बुझ्न र अन्तर्वार्ता दिन मेरियट पुगेका थिए । केहीदिन अघि टिकटकमा लबकअज्ञढड नाम रहेको आइडीबाट पोल्यान्डमा रोजगारीको आवश्यकताको भिडिओ सार्वनजनिक भएको थियो । भिडिओमा ‘रिता’ नामले चिनाएकी एक युवतीले आफू पोल्यान्ड रिक्रुटमेन्ट कम्पनीको प्रतिनिधि रहेको र वेयरहाउस र फ्याक्ट्रीमा काम गर्न हजार जना नेपालीलाई पोल्यान्ड र अन्य युरोपियन देशमा लैजान चाहेको बताएकी थिइन । उनले निवेदकलाई शनिवार होटल मेरियटमा सेमिनार र अन्तर्वार्ता हुने बताउँदै सम्पर्क नम्बर दिएकी थिइन ।
त्यही आधारमा शनिबार बिहानैदेखि सयौंको संख्यामा युवाहरू मेरियट अगाडि अन्तर्वार्ताका लागी उपस्थित भएका थिए । भिड जम्मा भएपछि प्रहरीले उनिहरुलाई सोधपुछ गरेको थियो । पोल्यान्ड लाने भनेर टिकटकमा विज्ञापन गरेको र त्यही विज्ञापन हेरेर सयौं मानिसहरू उपस्थित भएपछि प्रहरीले वैदेशिक रोजगार विभागलाई खबर गरेको थियो । उक्त सूचना पाएपछि वैदेशिक रोजगार विभागको टोली मेरियट होटल पुगेको थियो । उक्त टोलिले अबैध अन्तर्वार्ता गराउने टोलीलाई पक्राऊ गरेको विभागका महानिर्देशक मदन दहालले बताए । उनले अबैध कार्य गर्ने दुई जनालाई पक्राउ गरिएको बताए ।
पोल्यान्ड लैजाने भन्दै अन्तर्वार्ताको लागि मेरियट होटलमा विभागसँग कुनै स्वीकृति नलिई बोलाएका रहेछन । टिकटक, ह्वाट्सएपमार्फत् बोलाइएको रहेछ उनले भने । अन्तर्वार्ताका लागी धेरै मानिसहरू जम्मा भएको खबर पाएपछि विभागको टोली गएर दुई जना विदेशी नागरिकलाई पक्राउ गरेको महानिर्देशक दहालले बताए । पक्राऊ पर्नेहरूमा पोल्यान्डका नागरिक एलेग फेडोसिक र दुबईका ¥याट फियागोसिक रहेको विभागका शाखा अधिकृत धर्मराज लम्सालले बताए । उनीहरू युएईको जुभेरास्थित नर्थ अमेरिकन भिसा सर्भिसमा आवद्धता रहेको लम्सालले बताए । उनीहरूमाथि थप अनुसन्धान गरी कारबाही अघि बढाइने लम्सालले बताए । विभागमा महानिर्देशक दहाल आएपछि यो पहिलो अपरेसन हो । दहालले बैदेशिक रोजगारको क्षेत्रमा देखिएका गलत धन्दाको अन्त्य गर्ने बताउदै आएका छन ।