zestkhabar

सोमबार, मंसिर १२ २०७९

  • सोमबार, मंसिर १२ २०७९

स्पेनस्थित नेपाली राजदूतावासले नेपालको राष्ट्रिय दिवस र संविधान दिवस भव्य रुपमा मनायो

स्पेनस्थित नेपाली राजदूतावासले नेपालको राष्ट्रिय दिवस र संविधान दिवस भव्य रुपमा मनायो


  • जनसवाल
  • आइतबार, असोज ९ २०७९
1.5K
SHARES

काठमाडौं । स्पेनस्थित नेपाली राजदूतावासले नेपालको राष्ट्रिय दिवस र संविधान दिवस भव्य रुपमा मनाएको छ । सो सम्बन्धमा दूतावासले एक विज्ञप्ति जारी गरेर जानकारी दिएको हो ।

प्रेस विज्ञप्ति !
स्पेनस्थित नेपाली राजदूतावासले २२ सेप्टेम्बर २०२२ मा संघीय लोकतान्त्रिक गणतन्त्र नेपालको राष्ट्रिय दिवस र संविधान दिवसको अवसरमा बार्सिलोनाको कासिनेट डी’होस्टाफ्रान्स हलमा सांस्कृतिक कार्यक्रम सहित भव्य समारोहको आयोजना गरेको छ । कार्यक्रमको सुरुवात स्पेन र नेपालको राष्ट्रिय गानबाट भएको थियो भने स्पेनका लागि नेपाली राजदूत महामहिम डा. शर्मिला पराजुली ढकालज्यूले स्वागत मन्तव्य राख्नुभएको थियो । मत्तव्यको क्रममा महामहिम ढकालले प्रजातन्त्रका लागि नेपाली जनताको लामो र निरन्तर सङ्घर्षको महत्व र २०१५ मा नेपालको संविधान जारी गर्नमा नेपालीहरुको योगदानबारे प्रकाश पार्दै उहाँले आफ्नो कार्यकालमा दुई देशबीचको व्यापार, पर्यटन, खेलकुद, शिक्षा, कृषि र संस्कृतिको प्रवर्द्धन गरी नेपाल र स्पेनबीचको द्विपक्षीय सम्बन्ध थप सुमधुर बनाउने आशा व्यक्त गर्नुभयो । उहाँले कोभिड-१९ को परीक्षणको समयमा नेपाललाई मानवीय सहायता पठाउने युरोपेली संघको पहिलो मुलुक भएकोमा स्पेन सरकारलाई धन्यवाद ज्ञापन गर्नुभयो । मन्तव्यपश्चात्, महामहिम ढकालज्यू, श्री विमल ढकालज्यू र परराष्ट्र मन्त्रालय अन्तर्गत बार्सिलोनामा बस्दै आउनुभएका केही कुटनीतिज्ञ, नेपाली समुदायका एक वृद्ध महिलाले संयुक्त रुपमा केक काट्नुभएको थियो । कार्यक्रममा प्रसिद्ध नेपाली गायक श्रीकृष्ण काफ्लेज्यूकाे सांगीतिक प्रस्तुति थियो । उहाँले जहाँ छन् बुद्धका आँखा लगायत अन्य विभिन्न नेपाली गीत गाउनुभएको थियो भने प्रसिद्ध बाँसुरीबादक विनोद कटुवालज्यूले नेपाली गीतमा बाँसुरी धुन दिनुभएको थियो । कवि माधब प्रसाद घिमिरे दुवारा रचित रास्ट्रीय गीत
– नेपाली हामी रहुला कहाँ — भन्ने गीत
बिश्व कलाकार संघ स्पेनका अधक्ष्य – डिक कार्की ज्युले गीत गाउनु भऐको थियो।
नेपाली भाषा र संस्कृतिमा योगदान पुर्‍याउँदै आएको ‘पाठशाला’बार्सिलिना नेपाली विद्यालयका साना बालबालिकाहरुले नेपाली गीतमा नृत्य प्रस्तुत गर्नुका साथै राष्ट्रिय गान गाएका थिए । सांस्कृतिक प्रस्तुतिको अलावा, दूतावासले बार्सिलोनामा बसोबास गरी नेपालमा योगदान पुर्‍याउनुका साथै दुई देशबीचको आर्थिक कूटनीति प्रवर्द्धनमा पर्यटन र संस्कृतिमार्फत सहकार्य गर्दै आउनुभएका केही महत्वपूणर् नेपालीहरूलाई सम्मान गरेको थियो । सेल , खीर लगायत स्वादिष्ट नेपाली परिकार उपलब्ध गराउने बार्सिलोनामा रहेका रेस्टुरेन्टहरूलाई नेपाली राजदूतावास, म्याड्रिडले समारोहमा सम्मान गरेको थियो ।
कार्यक्रममा कन्सुल जनरलहरू, बार्सिलोनाका कूटनीतिक समुदायका प्रतिनिधिहरू, स्पेनका मिडिया हाउस सहित करिब १५० जना अतिथिहरूको उपस्थिति रहेको थियो । कार्यक्रम सञ्चालन राजदूतावासका सहचारी करिश्मा अधिकारीज्यूले गर्नुभएको थियो । बार्सिलोनामा रहेका नेपाली समुदाय, नेपाली संघसंस्थासग समन्वय,कार्यक्रम व्यवस्थापन एनआरएनए स्पेनका अध्यक्ष श्री शालिक राम डुम्रे ज्यूले र एनआरएनए आइसीसी स्पेनका दिनेश गिरीले ज्यूले गर्नुभएको थियो ।
महामहिम डा. शर्मिला पराजुली ढकालले दूतावास परिवारसहित बार्सिलोनामा रहेका नेपाली समुदायसँग संविधान दिवस मनाउन पाएकोमा खुसी व्यक्त गर्नुभयो ।
साेही दिन, एनआरएनए स्पेनले आयोजना गरेको
अन्तरक्रिया कार्यक्रममा पनि महामहिम राजदूत सहभागी हुनुभयो । कार्यक्रममा बार्सिलोनामा रहेका अधिकांश नेपाली समुदायका प्रतिनिधिहरुको उपस्थिति रहेको थियो । महामहिमले दूतावासबाट सेवाग्राहीलाई गुणस्तरीय सेवा प्रदान गर्ने र नेपालको गरिमालाई स्पेनमा सधैँव उच्च बनाउने प्रतिवद्धता व्यक्त गर्नुभयो । बार्सिलोनामा पहिलोपटक नेपाली राष्ट्रिय दिवस आयोजना भएकोमा नेपाली समुदायले धन्यवाद व्यक्त गरेका थिए ।
२३ सेप्टेम्बर, २०२२
नेपाली दूतावास मड्रिड
स्पेन

प्रतिक्रिया
सम्बन्धित समाचार

यो साता चर्चामा

ताजा अपडेट