zestkhabar

बिहिबार, असोज १३ २०७९

  • बिहिबार, असोज १३ २०७९

परिवार नै अवैध क्रिप्टोकरेन्सी कारोबारमा ! ३७ करोड ६४ लाख बिगो कायम गरी मुद्दा दायर

परिवार नै अवैध क्रिप्टोकरेन्सी कारोबारमा ! ३७ करोड ६४ लाख बिगो कायम गरी मुद्दा दायर


  • जनसवाल
  • मंगलबार, माघ ११ २०७८
2.6K
SHARES

काठमाडौँ(जस)–नेपालमा अवैध मानिएको क्रिप्टोकरेन्सीको कारोबारमा परिवार नै संलग्न रहेको तथ्य सार्वजनिक भएको छ । प्रधानमन्त्री तथा मन्त्रिपरिषद् कार्यालय मातहतको राजश्व अनुसन्धान विभागले सोमबार दायर गरेको मुद्दाअनुसार परिवार नै मिलेर अवैध क्रिप्टोकरेन्सीमा लगानी गरेको पाइएको हो । कैलाली लम्कीचुवा–१० स्थायी घर भई हाल काठमाडौँको कालोपुलमा बस्ने दिनेश खड्काले दिदी भगवती, बुबा नरबहादुर खड्का र केटी साथी अनिता धितालसमेत मिलेर अवैध कारोबार गरेको र विद्युतीय माध्यमबाट पैसा नेपाल भित्र्याएको पाइएको छ ।
उनीहरुले सामूहिकरूपमा मिलेमतो गरी इ स्क्रेल र निवांश प्रयोग गरी विदेशी विनिमय अमेरिकी डलरसम्बन्धी कारोबार गरेको पाइएको विभागले मंगलबार जारी गरेको विज्ञप्तिमा उल्लेख छ । विभिन्न मितिमा सामान्य व्यक्तिको बैंक खातामा अस्वाभाविक रूपमा पैसा भित्रिएपछि नेपाल राष्ट्र बैंकले सूक्ष्मरूपमा अनुसन्धान गरेको थियो ।
क्रिप्टोकरेन्सी र नेटवर्क मार्केटिङ गैरकानूनी : राष्ट्र बैंक

विवरणअनुसार दिनेशको नाममा रहेको ग्लोबल आइएमई बैंकको खातामा रु नौ करोड ७९ लाख ९८ हजार ५८१, अनिता धितालको नाममा रहेको लक्ष्मी बैंकको खातामा रु पाँच करोड ७७ लाख छ हजार ८२६, भगवती खड्काको नाममा रहेको एनआइसी एशिया बैंकमा रु २० करोड ४२ लाख ९४ हजार ५२६ र नरबहादुर खड्काको नाममा रहेको ग्लोबल आइएमबई बैंकको खातामा रु एक करोड ६४ लाख ११ हजार १०० बराबरको रकम भित्रिएको पाइएको छ । केन्द्रीय बैंकको सूचनाअनुसार प्रति अमेरिकी डलरको रु १२० रुपैयाँ ३४ पैसाको हिसाबले हुन आउने रु ३७ करोड ६४ लाख ११ हजार १०० बराबरको बिगो कायम गरी काठमाडौँ जिल्ला अदालतमा मुद्दा दायर गरिएको हो ।

इन्फिनिटि ग्लोबल, सोलम्याक्स र हाईपर फण्डको नाममा अबैध नेटवर्किङको धन्दा

राजस्व अनुसन्धान विभागले विभिन्न मोबाइल एप्लिकेसनको प्रयोग गरेर रु ३७ करोड बढी (३१ लाख २७ हजार बढी अमेरिकी डलर) को अवैध कारोबार गरेको कसुरमा एकै परिवारका तीनसहित चार जनाविरुद्ध काठमाडौं जिल्ला अदालतमा मुद्दा दायर गरेको छ । कैलालीको लम्किचुवा–१० स्थायी ठेगाना भई हाल काठमाडौँ कालोपुल बस्ने दिनेश खड्का, उसकी दिदी भगवती खड्का तथा बुबा नरबहादुर खड्का र दिनेशकी साथी अनिता धितालले कैफियत गरेको आरोपमा मुद्दा दर्ता गरिएको विभागद्वारा बुधबार जारी सूचनामा उल्लेख छ । उनीहरुले मिलेमतोमा अनलाइनमार्फत अवैध रुपमा डलरको कारोबार गरेको पाइएको विभागले जनाएको छ ।विदेशी विनिमय (नियमित गर्ने) ऐन, २०१९ तथा राष्ट्र बैंकले जारी गरेको सूचनाविरुद्ध कसुर गरेको दाबीसहित विभागले रु ३७ करोड ६४ लाखभन्दा बढी बिगो कायम गरी मुद्दा दर्ता गरिएको छ । दायर मुद्दामा बिगो जफत गरी तीन वर्षसम्म कैद सजायको माग गरिएको छ ।

भर्चूअल प्रबिधिमा नेपाल धेरै पछाडी छ, नियामक निकायसंग अनुगमन, नियमन गर्नसक्ने क्षमता छैन । त्यसैले नेपाली अर्थतन्त्रका लागि यस्तो नेटवर्कको विकल्पले काम गर्दैन ‌। गरिव र निम्नस्तरका जनता फस्ने सम्भावना बढि हुन्छ ‌। भर्चूअल करेन्सी” ठिक हो भनेर नेटवर्क कम्पनीले दिवासपना बाडेपनि व्यवहारमा त्यसले राष्ट्रिय अर्थतन्त्रलाई नै ध्वस्त बनाउँछ । बिदेशको पैसा नेपाल भित्र्याउने कुनै प्रबिधि भए ठिकै हो, राष्ट्रिय पुँजी विदेश पलायन हुने जुनसुकै कुरापनि नेपालका लागि धेरै ठुलो घातक हुन्छ । यो “क्रिप्टो” नेपालको हकमा ठगिको रुपमा विकास भएको छ, तत्काल बन्द हुनुपर्छ । नेपालमा यस्ता ब्यापार तत्काल बन्द गरिनुपर्छ” भन्ने अर्थशास्त्रीको भनाई रहेको छ । यस्ले रेमिटेन्स घटेपछी रास्ट्र बैकले बन्देज लगाएको हो ।

प्रतिक्रिया
सम्बन्धित समाचार

यो साता चर्चामा

ताजा अपडेट